February 23-25 hmang khan Jampui Sakhan Baptist Association (JSBA) Inkhawmpui vawi 106-na Behliangchhip Tripura-ah neih a ni a. He inkhawmpui hmanpui hian General Secretary - Rev. R. Lalbiakliana, Upa R. Lalbiakmuana leh BCM Choir te an kal a. General Secretary hian Pathianni zing-ah ‘I ram lo thleng rawh se, Kohhran-ah’ tih leh Pathianni zanah ‘I ram lo thleng rawh se, Khawtlang leh nun honaah’ tih thupui hmangin thuchah a sawi a, inkhawm apiangin BCM Choir ten zaia rawngbawlna an nei thin a ni. Inrinni zanah TBCU aiawh-a palai, BCM pastor Rev. B. Rothangpuia, Tripura Field Director a awm mek in ‘I ram lo thleng rawh se – Mimal nunah’ tih thupui hmangin thuchah a sawi bawk.
Jampui Sakhan Baptist Association hi Tripura state chhunga Mizo hlang Baptist Kohhran hlun tak an ni a. Pastor Bial 3 leh Tualchhung Kohhran 12 awmin, Kohhran member 4405 an awm mek a, tun tum inkhawmpui ah hian chhimtu mikhual 630 lai an awm. BCM nen kawng hrang hrangah thawk hovin, rorelnaah te kan in palai tawn thin a, Sunday School zirlaibu leh Syllabus te pawh kan la in hman tawm reng a ni.
