April 23, 2021 (Zirtawpni) kha Kristian Naupang Pawl (KNP) Din champhaphak (KNP Day) vawi 78-na a ni a. Nikum ang bawk in kum in ah pawh Hrileng avanga sawrkar Inkhuahkhirhna avang in KNP Day hi kal khawma hman a ni thei leh ta lova, KNP Day Puala Special Programme erawh Youtube leh TV kaltlanga pek a ni ang. Kumin KNP Day thupui hi “Thianghlimna” ( 1Petera 1 : 16 ) tih a ni.
KRISTIAN NAUPANG PAWL (KNP) hi 23 April, 1943 khan BMS Missionary-te Pi Zoduhi leh Pi Zomuani ten an din a ni a. Fellowship Department hnuaiah awm in, KNP Promoter nei a awm in, Bial huap Inkhawmpui te pawh buatsaih thin a ni.
Mizoram Baptist Kohhran inchhiarna thar ber, Statistical Handbook (2020-2021) in a tarlan dan in tunah hian KNP hi Unit 500 awm in member 32,128 (Mipa – 15812 leh hmeichhia - 16316) an awm mek a ni.
KRISTIAN NAUPANG PAWL (KNP) chanchin tlangpui:RISTIAN NAUPANG PAWL (KNP) hi 23 April, 1943 khan BMS Missionary-te Pi Zoduhi leh Pi Zomuani’n an lo din tawh a. Huna eng emaw chen inkaihhruaina mumal tak awm lova kalpui a nih hnuin, kum 1973 BCM Assembly chuan ‘K.N.P.hi mumal zawka enkawl nise’ tiin a lo rel ta a. Naupangte zingah Pathian ram a lo zau a, a lo ngheh a, a lo lanfiah deuh deuh theih nan inkaihhruaina Dan pawh mumal taka siam a lo ni ta a. K.N.P.hi a din atanga kum sawmnga chuang lai mai chu enkawltu hrang hrangte enkawlna hnuaiah dah a ni a. A din tanni 23 April hi hun eng emaw chen hnuah chhut chian chauh a ni a. Chu chu Assembly-ah thlen a ni a. Kum 2002 Assembly chuan he ni 23 April hi K.N.P. Day atan a lo pawm fel ta a ni.
Kristian Naupang Pawl (KNP) te hi nakin lawka ram leh hnam, kohhran enkawltu tur leh kaihruaitu tur an la nih avangin leh anmahni mai chuan la in enkawl theilo an nih avangin enkawl a, kaihhruai ngai an ni a. Mizoram Baptist Kohhran chuan hei hi hrechiangin anmahni kaihhruaina tur dante siamin hma a la chho zel a. Naupangten an pawimawhna leh Kohhranin a ngaih pawimawhzia an lo hriat zel theihna turin a bik taka anmahni puala ‘NI BIK’ kumtina an neih a, an hman hi Mizoram Baptist Kohhran Assembly chuan tha a ti a. Kumtina KNPten rualkhai tak leh hlim taka an hman theihna turin “BCM NI PAWIMAWH BU’ ah hian dah tel a lo ni ta a ni.
