KNP Inkhawmpui
#Leite Pastor Bial chuan KNP Inkhawmpui vawi 8-na BCM Biak In, Rotlang 'E'-ah an nei a. Speaker-ah Bialtu Pastor, Rev. P. Lalroluahpuia niin, thupui "Thianghlimna" (I Petera 1:16) tih hman a ni. He hunah hian Kristian hla bu aṭanga thlan chhuah solfa leh lengkhawm zaia intihsiak te, BCM Thurin hmanga thuvawn insawisiakna te neih a ni.
Inkhawm apiangin solo, recitation, group zai leh woship dance bakah Unit hrang hrang zaipawl zai te ngaihthlak thin a ni. Leite Pastor Bialah hian unit pali: Leite, Maudarh, Rotlang E leh Tuipui D awmin, KNP member 531 an awm.
.jpeg)
#Phawngpui North Pastor Bial chuan BCM Biak In, Peniel, Sangau-ah KNP Inkhawmpui hi an nei a. Speaker-ah KNP Promote Nl. K. Lalramthianghlimi an hmang. Inkhawmpui –ah hian KNP member 260 vel telin khaw pawn atanga riak lut mi 130 zet an awm a ni.
Zirtawp zan, Inrinni zan, Pathianni zing leh Pathiani zan-ah te Pathian Biak Inkhawmin hun hman a ni a, Inkhawm apiangin Speaker thuchah bakah - solo, recitation, group zai leh woship dance bakah Unit hrang hrang zaipawl te ngaihthlak thin a ni. Inrinni chhunah Naupang kum 8 hnuai lam tan solo intihsiakna te, Unit intihsiakna dang – action recitation, BCM Thurin sawi rual, Bible changvawn sawi, Lengkhawm zai leh Bible Quiz inelna te neih a ni. Phawngpui North Bialah hian Tualchhung Kohhran 7 an awm a, KNP Unit 5 – Sangau, Cheural, Peniel, Pangkhua leh Thaltlang Unit te awmin member 379 an awm a ni.
.jpeg)
KNP Hruaitu Training
#BCM Rahsiveng chuan May 5 leh ni 6 hmang khan KNP Hruaitu Training leh Retreat an buatsaih a, Speaker & Resource Person-ah Pu H. Muansangpuia, KNP Trainer an hmang a, May 7 Pathianni zing leh Pathianni zanah te Kohhran pum huapin “Naupang enkawl chungchanga infuihtharna” hun hman chhunzawm a ni.
.jpeg)
#BCM Minpui-ah May 6, 2023 (Inrinni) khan KNP hruaitute pualin Training neih a ni a. He training-ah hian KNP Trainer Rbt. Lalrinchhana chu Resource person-ah hman niin, KNP hruaitute an kal tha hle.
.jpeg)
