Meetingah hian Kristian Hlabu kan hman lai mek atanga Kohhran ten kan sak ngai tawh loh hla then khat paih tawh mai tha zawka lang te, Kristian Hlabu hlui zawka hla thenkhat paih tawh te zingah Hla Bu siam leh atana sengluh leh tur te, Kristian Hlabu-a la awm ngai lo, Hla thar tha tak tak seng luh atana tha an tih te an thlang khawm a. Tin, Hla thenkhat, a phuahtu-in a phuah dan ang lo deuha dah te en tha-in siam that tura chhawpchhuah leh Hlabu tawp lama tawngtaina thu leh thu in chhawn (responsive Reading) dah belh chungchang te an thlir ho a ni.

Mizo Kristian ten Hlabu kan hman tlanglawn ber, Kristian Hlabu hi Mizoram Baptist Kohhran leh Mizoram Synod te thawhhonaa buatsaih niin, ennawn (revised) chungchangah inberawnin an enho thin a. Tun tuma Committee pawh hi Administrative Committee-in BCM lam atanga ennawn dan tur leh ruahmanna te lo siam turin membere 16 awmna Sub.Committee a din a ni a. Convener atan Upa C. Hrangdula ruat a ni. He Committee-in an thu chhawp chhuah te leh Synod lama endiktuten an thu chhawpchhuah te hi Kohrhan pahnih aiawh ten an la thlir ho leh dawn a ni.