Kristian Hlabu ennawn Sub-Committee an thu khawm

By Communications Dept.BCM

 

Tun kar Thawhlehni, March 26, 2024 khan Headquarters Office Committee Room No. 1 ah BCM atanga Kristian Hlabu ennawn Sub.Committee an thukhawm a. Upa C. Hrangdula, Committee Convener-in a kaihruai a, meeting-ah hian member 10 an kal a ni.

 

Tun tum meetingah hian Kristian Hlabu kan hman lai mek-ah Hla phuahtu dah dik loh ni-a lang te, Solfa dik tawk lo siam that tura rawtna te, hlasak ngai loh paih then leh hla seng luh belh tura rawtna te, hla phuahtu-in a phuah dan ang lo deuha dah ni-a lang te en tha-in,meeting hmasa lama an lo rel tawh te an ennawn a ni bawk. April 11 khian Synod lama Hlabu ennawn sub.Committee te nen Aizawl-ah thukhawmin an enho leh ang a, hemi zawh hian Kohhran pahnih aiawh telna - Kristian Hlabu ennawn Committee-in thlir lehin thu tawp an siam tawh dawn a ni.

 

Mizo Kristian ten Hlabu kan hman tlanglawn ber, Kristian Hlabu hi Mizoram Baptist Kohhran leh Presbyterian Church of India, Mizoram Synod te thawhhonaa buatsaih niin, ennawn (revised) chungchangah pawh inberawnin an thawkho thin a ni.

Board of Theological Education of the Senate of Serampore College buatsaihin Aizawlah Church Leaders Meet neih a ni

Board of Theological Education of the Senate of Serampore College buatsaihin Aizawlah Church Leaders Meet neih a ni

October 8, 2024 khan Board of Theological Education of the Senate of Serampore College (BTESCC) buatsaihin Church Leaders Meet chu Regency Hotel, Zarkawt, Aizawlah neih a ni a, Kohhran hrang hrang panga atangin aiawh 45 an kalkhawm a, Mizoram Baptist Kohhran atangin General Secretary, Rev. Dr. R. Lalbiakliana hovin mi 14 lai an tel a ni. Senate of Serampore College atangin Rev. Dr. Limatula Longkumer, Registrar, Dr. Aswathy John Dean of SATHRI/ Research Dept. leh Rev. Dr. Rodinmawia Ralte, Dean of SCEPTRE & Secretary BTESSC te an rawn kal a ni. …

AICS Faculty Quarters Thar Hlanna leh Jubillee Multipupose Hall Lungphum phumna neih a ni.

AICS Faculty Quarters Thar Hlanna leh Jubillee Multipupose Hall Lungphum phumna neih a ni.

October ni 7, 2024, Thawhtanni chawhnu dar thum khan AICS Faculty quarters thar hawnnna leh AICS kum 25-na hriatrengna atana Jubillee Multipurpose Hall lungphum phumna neih a ni a. Quarters hawnna inkhawm hi Principal Rev. D.C.Vanlaldika'n kaihruaiin, quarters sak dan tlangpui report a pe. Report in a tarlan danin quarters hi a dung feet 60, a vang feet 35 a ni a, a sak nan hian cheng nuai 47 dawn sen a ni. Rev. Dr. R. Lalbiakliana, General Secretary in quarters hi Pathian hnena hlanin tawngtaina hun a hmang a, Luangmual bialtu Pastor Rev. T. Lalawia'n inkhawm malsawmna in a khar a. …

Council of Churches in Mizoram (CCM) Office Assistant cum Accountant tur la thar

Council of Churches in Mizoram (CCM) Office Assistant cum Accountant tur la thar

RC Vanlalhruaii D/o Lalhmingthangi, Dinthar, Aizawl chu Council of Churches in Mizoram (CCM) Office, Mission Veng, Aizawl-a Office Assistant cum Accountant hna thawk turin thla ruk (six months) chhung atan lak a ni. …