November 08, 2022 thawhlehni khan MṬKP Executive Committee Meeting Vawi 539-na, BCM Salem, Committee Hall,   Lunglei-ah neih a ni a. Meeting hi Upa R.Lalrochama, President MṬKP in a kaihruai a, Rev.F. Zorinkhuma MṬKP Secretary in MṬKP hmalakna leh rawngbawlna hrang hrang report pe in, hmachhawp hrang hrangte a tarlang bawk. Thurel zingah Kum 2025-a MṬKP Inkhawmpui thupui atan "Pathian hnaih rawh u"-(Jakoba 4:8 ) tih chu thlan fel a ni.

Secretary Report ah hian  - Aizawl Area TKP Meet, October 28-30 chhunga hlawhtling taka neih a nih thu te, TKP Shillong Pastor Bial Inkhawmpui hmanpui a MTKP hruaitute an kal thu te, Zeme Baptist Association Music Training buatsaih sak an nih thu te, TKP Khumtung Pastor Bial tlawh thu leh TKP Mualthuam North Unit –ah Nupui/Pasal neih hma-a mipat hmeichhiatna hman chungchanga fimkhurna tur inzirtirna neih a nih thu te tarlan a ni.

Nl.J. Lalrintluangi, Treasurer leh Tv. H.Lalruatkima Fin.Secretary ten MṬKP sum dinhmun tlangpui report an pe a. Report aṭanga a lan dan in Pastor bial 80-in MṬKP Target an tlak tawh a, bial 65-in Myanmar raltlan te puala Fehchhuahna sum thehlut tawhin, ṬKP Day thawhlawm thehlut bial 77 leh ṬKP Ramthim ni thawhlawm thehlut bial 84 an awm a ni. Heng bakah hian MṬKP hnuaia Sub-Committee hrang hrang Secretary te hnen aṭangin an hmalak tawh dan leh hmalak mekna report ngaihthlak a ni bawk.

Meeting hian Kum 2025-a MṬKP Inkhawmpui thupui atan "Pathian hnaih rawh u"-(Jakoba 4:8 ) tih chu thlang felin, Mizoram hmun hrang hranga MṬKP Hoarding chei ṭhat chungchang te, Youth Centre chung changa hmalak zel dan turte ngaihtuah a ni.