October 15, 2022 (Inrinni) khan BCM Biak In, New Siaha ah Lawngtlai Area TKP Co-ordination Committee buatsaih, Lawngtlai Area TKP Meet, 2023 Logo chu Siaha East Bialtu Pastor Rev. Lalchhuankima'n a tlangzarh.
Logo tlangzarh inkhawm hi Upa JF.Vantawna, Lawngtlai Area TKP Meet Org, Committee Chairman-in a kaihhruai a. Area TKP Secretary Pu Rohluzuala Chhakchhuak in report a pe.
Lawngtlai Area TKP Meet 2023 Logo hi Joseph Lalchhingpuia, New Salem Chawngte 'P' Unit in a design a ni a. Logo-a milemte hi mihring ze nei pahnih niin a chung zâwka awm hi Pathian nihna pêk a ni a; lu chunga kualkhungna sen bial hian Pathian chu hmangaihna, khawngaihna, zahngaihna leh ngilneihna a khat a ni tih a entîr a. Tin, thla pharh lem hian harsatna, manganna leh lungngaihna kan tawh pawhin Pathian thla zâr hnuaiah chuan duh taka a siam, keini mihringte hi kan himin thlamuanna leh hahdamna kan chang thei a ni tih a entîr bawk.
LAṬKP MEET - 2023 hnuaiah Meet thupui ‘Ṭhalaite leh tûnlai khawvêl’ tih thupui dah a ni. LAṬKP chhûngah meet hi New Siaha-ah neih a nih dâwn avângin a chung berah dah a ni thung a; “He meet hi – Pathian hmangaihna, khawngaihna, zahngaihna leh ngilneihna hnuaiah hlim taka kan neih theih nân rawng sen-in ziak a ni bawk.
ṬKP hian flag colour-ah a pâwl leh a vâr kan hman avângin LAṬKP MEET logo atân pawh rawng pâwl leh rawng vâr hman tam a ni.
Lawngtlai Area TKP Meet,2023 hi February 24-26, 2023-ah BCM Biak In, New Siaha ah neih tura ruahman a ni a, Meet thupui-ah 'Thalaite leh Tunlai Khawvel' tih hman a ni ang.
