Leite-ah Ruihhlo do Campaign neih a ni

By Communications Dept.BCM

 

Assembly Rorel thu pass Ruihhlo do beihpui thlak bawhzuina kal zelah Bial leh Kohhran hrang hrang-ah Ruihhlo do campaign neih chhoh mek a ni a. September 29 (Pathianni) khan BCM Leite-ah Roihhlo do Campaign neiin Social Concern Department Director Rev. L. Vanlalsanga leh Nl. Laldinthari Ralte, Field Facilitator te an kal.

 

Pathianni zingah Rev. L. Vanlalsanga’n thuchah sawiin, Ruihhlo laka kan ram leh khawtlang dinhmun leh hmalak a tulna te sawiin a tarlang a, Chawhnu lam-ah KNP kum 10 chin leh Tleirawl leh rawlthar kum 17 inkar hmang mek te pualin Ruihhlo that loh zia inzirtirna neih a ni a. He hun hi Nl. Laldinthari kaihruaiin, zirtirna a pe thung a ni. He hunah hian Naupang leh tleirawl te an kal tha-in zirtirna an dawngsawng tha hle a ni.

 

Mizoram Baptist Kohhran pumpui-ah Pastor Bial Rorel leh Inkhâwmpui neih mek a ni.

Mizoram Baptist Kohhran pumpui-ah Pastor Bial Rorel leh Inkhâwmpui neih mek a ni.

Mizoram Baptist Kohhran Pastor Bial hrang hrangah Bial Rorel neiin, Zirtawp zan atang khan Inkhawmpui programme hman tan a ni a, Inrinni zan, Pathinni nileng leh Pathianni zanah te Kohhran pum huap programme siamin Pathianni zan-ah Inkhawmpui hi an tiak dawn a ni. Pastor Bial Rorel hi Mizoram Baptist Kohhran Pastor Bial hrang hrang 92-ah neih a ni a, General Secretary, Rev. Dr. R. Lalbiakliana chuan Pastor Bial hrang hrang inkhawmpui nei mek te hlawk tak leh hlim taka Inkhawmpui an hman theih nan duhsakna leh chibaibukna a hlan a ni. …

Board of Theological Education of the Senate of Serampore College buatsaihin Aizawlah Church Leaders Meet neih a ni

Board of Theological Education of the Senate of Serampore College buatsaihin Aizawlah Church Leaders Meet neih a ni

October 8, 2024 khan Board of Theological Education of the Senate of Serampore College (BTESCC) buatsaihin Church Leaders Meet chu Regency Hotel, Zarkawt, Aizawlah neih a ni a, Kohhran hrang hrang panga atangin aiawh 45 an kalkhawm a, Mizoram Baptist Kohhran atangin General Secretary, Rev. Dr. R. Lalbiakliana hovin mi 14 lai an tel a ni. Senate of Serampore College atangin Rev. Dr. Limatula Longkumer, Registrar, Dr. Aswathy John Dean of SATHRI/ Research Dept. leh Rev. Dr. Rodinmawia Ralte, Dean of SCEPTRE & Secretary BTESSC te an rawn kal a ni. …

AICS Faculty Quarters Thar Hlanna leh Jubillee Multipupose Hall Lungphum phumna neih a ni.

AICS Faculty Quarters Thar Hlanna leh Jubillee Multipupose Hall Lungphum phumna neih a ni.

October ni 7, 2024, Thawhtanni chawhnu dar thum khan AICS Faculty quarters thar hawnnna leh AICS kum 25-na hriatrengna atana Jubillee Multipurpose Hall lungphum phumna neih a ni a. Quarters hawnna inkhawm hi Principal Rev. D.C.Vanlaldika'n kaihruaiin, quarters sak dan tlangpui report a pe. Report in a tarlan danin quarters hi a dung feet 60, a vang feet 35 a ni a, a sak nan hian cheng nuai 47 dawn sen a ni. Rev. Dr. R. Lalbiakliana, General Secretary in quarters hi Pathian hnena hlanin tawngtaina hun a hmang a, Luangmual bialtu Pastor Rev. T. Lalawia'n inkhawm malsawmna in a khar a. …