September 24 (Pathianni) zan khan BCM Republic Vengthlang chuan kum tina an lo hman tawh ṭhin angin The Leprosy Mission night an hmang a, he hun ah hian Rev. TC. Zodinsanga, Executive  Secretary, The Leprosy Mission, Mizoram chu Speaker ah hman a ni.

Inkhawm hi Upa Lallunghnema, tual chhung The Leprosy Mission Chairman-in a kaihruai a, Tv. Vanlalruatkima Chinzah, Asst. Secretary-in Certificate Semna neiin Tualchhung Leprosy Mission hmalakna report a pe bawk. Upa H. Roṭhuama leh a ṭhiannu Pi Kapnguri, Ladies Wing, Secretary ten Speaker hi an ṭawiawm a, Pi Kapnguri hnen atangin Ladies Wing hmalakna report tlangpui ngaihthlak a ni bawk.  Speaker Rev. TC. Zodinsanga hnen atangin Power Point hmangin The Leprosy Mission, Mizoram in hma a lo lak tawh dan leh rawngbawlna report bakah thuchah ngaihthlak a ni a, Kohhran Zaipawl, BKHP Zaipawl leh Nl. Zoramhmangaihzuali ten Pathian Fakna hla an sa bawk.