Vawiin March 15, 2025 (Inrinni) nileng hian Literature & Printing hnuaia Publication Board in a buatsaih Lunglei khawpui chhunga tualchhung kohhran hrang hrangte atangin mi panga zel literature lama tui mi leh tualchhung kohhran chanchinbu enkawltute pualin BCM Hall, Serkawn-ah Literature Workshop neih a ni. Mi 160 chuang he training-ah hian telin, Resource Person atan Upa C. Lalhmingmuana leh Upa Tlantununga Chongthu te hman an ni.
He hun hi Session hnihah thenin, Session khatna hi Rev. Dr. Lalzarliana, Director, Literature & Printing Department in a kai hruai a, Keynote Address Rev. R. Lalnunzira AGS- Service in a sawi. “ Kohhran huang chhunga tawng leh ziak dan dik hman pawimawhna” tih thupui a hmangin Upa C. Lalhmingmuana’n hun a hmang a ni.
Session hnihna hi Rev. Dr. F. Lalsangliana Editor, Baptist Today & Kohhran Beng in a kai hruaia, “Social Media in Literature a nghawng dan” tih thupuia hmangin Upa Tlantununga Chongthu in hun a hmang. Sawi hona te neih a ni a, hun hlawk thlak tak an hmang.
