Tunkar Ningani, October20, 2022 chawhma dar 11:00 khan Literature & Printing Department Committee Meeting, Sap Upa & Pu Buanga Hall, Serkawn ah neih a ni a.. Meeting hi Rev. Dr. R. Zolawma, President-in kaihruaiin Committee Sectretary Rev. R. Lalnunzira, AGS Service leh Department Director Rev. Dr. Lalzarliana ten Report tlangpui an pe.
Report-ah hian Publication Board Meeting-in Team of Proof Readers member 7 awmna a din ten 2023-a Sunday School zirtur proof reading an zawh tawh thu te, Publication Board-in ruahmanna a siam angina BCM Hqrs. thawktu te puala Mizo Tawng Zirna (Seminar) neih a nih thu te, BCM Nipawimawh bu Revision pawh Worship Deparmtent-in an ngen angin chhuah tura peih fel a nih tawh thu te tarlan a ni.
Baptist Printing Press, Serkawn a hman tur Gathering Machine leh Cutting Machine thar leiin bun fel a nih tawh thu te, Bookroom-in Reduction Sale an kalpui chu hlawhtling taka neih a nih thu te Bookroom-a thawktute intawhkhawmna buatsaih a nih thu te tarlan a ni bawk.
Meeting thurel zingah BCM atanga lehkha chhuah te, thu chhuah leh thuziak danah te, Office kalphung leh Kohhran te kalphung inang tlang leh mumal zawk a awm theih nan (Baptist House Style) siam chungchang te, Baptist printing press mipui te tana awlsam zawka dawr theihna tur Lunglei khawpui laili deuha buatsaih chungchang te ngaihtuah a ni a, Machine Operator (Contract) hna ruak pahnih hnawhkhat turin Interview koh a ni a, Lalrinawma Fanchun, BCM Electric Lawngtlai leh C. lalnghakmawia, BCM Zotlang North te lak an ni. Tun tum meeting-ah hian kum 2023- 2024 Plan leh Budget te pharh a ni a, siamrem ngai te siamremin Finance Committee-ah thlen chhoh turin passed a ni.
