November 19 (Pathianni) chawhnu dar 1:30 khan BCM Biak In, Chanmari, Lunglei Jubilee Hall-ah Mizoram BMP Media Cell buatsaihin Media Campaign neih a ni a. MBMP in media platform hrang hrang a neih te inkawhhmuhna neih nghal a ni bawk. Media campaign ah hian MBMP hruaitu te, Media Cell hruaitute leh Lunglei khawpui chhunga BMP unit hrang hrang aiawh mi 50 vel an kalkhawm a ni.
He hun hi Pu P.C. Langaihsanga, Asst.Secreary MBMP Media Cell-in a kaihruaia, Pu Lalnunsanga Pachuau, Treasurer, MBMP in Pathian hnena inkawltirna hun hmangin, Pu J. Lalrosanga, MBMP Media Cell Secretary-in report pe-in inhmelhriattirna a nei. MBMP Secretary Rev. H. Lalfakzuala’n MBMP Media platform hrang hrang (Facebook page, Instagram account, whatsapp group leh YouTube channel) te kal khawmte hriat ah pho chhuaka kawhhmuhna a nei.
Pu Vanlalpeka, MBMP Media Cell Convener leh MBMP Finance Secretary ni bawk-in media kaltlanga rawngbawlna chungchang leh hemi kawnga MBMP hmalakna te sawiin zirtirna a neih zawhah sawihona leh zawhna leh chhanna hun hman a ni a, BCM Chanmari Standing Choir, Nl. C. Vanlaldini leh Nl. C. Lalfakpuii ten zaia rawngbawlna an nei bawk.
