Mashihi Baptist Church hawnna Inkhawm hi August 3, 2023 (Ningani) chawhma dar 11:00 khan Baptist Mashihi Mission, Director Office, Venglai Lunglei-ah neih a ni a. Rev. Israel Lalremtluanga, Director, Baptist Mashihi Mission-in inkhawm a kaihruai a, Pu K. Lalzuimawia, Evangelist-in Baptist Mashihi Mission report tlangpui pe-in, Mashihi Director-in Mashihi Baptist Church chungchang leh hawn a tulna chhan te a sawi fiah a. Rev. Dr. R. Lalthanmawia, AGS-Mission-in a hawn zawhah Rev. Lalremsiama Ralte, Mission Director-in Pathian hnenah a hlan a. Baptist Mashihi Zaipawl leh Nl. C. Vanlalzahawmi ten fakna hla an sa a. Mi hrang hrang hnen atangin Thusawi tawi ngaihthlak a ni bawk. Rev. R. Thanmawia, Bialtu pastor, Serkawn Pastor Bial-in Malsawm tawngtaina-in hun a khar ta a ni.
Baptist Masihi Mission hnuiah hian thawktu 20 an awm mek a, Director-1, Missionary 2 leh Evangelist 17 an ni. Kum 2023 kum chanve chhung hian hmun hrang hrang 26-ah fehchhuakin, Crusade vawi 36 an neihpui tawh a, kumin chhungin Ringthar baptisma chang 254 an nei tawh a ni. BCM Inchhiarna 2022-23-in a tarlan danin tun dinhmunah Baptist mashihi Mission hnuaiah hian Baptist Mashihi Sangati (Fellowship) 16 leh Sangati Member 851 an awm a ni.
