July 8-9 hmang khan Serchhip Pastor Bial tlawhin MBKHP hruaitute chu Rbt.F.Zanguri Treasurer leh Executive Committee member pahnih Pi R.Lalnunziri leh Pi C. Laltlanthangi te an kal. Tun tum-a an fehchhuahnaah hian thupui-ah “Rawngbawlna” tih hman a ni a, BCM Biak in Serchhip-ah hun hmang in, Bial chhung BKHP member te an kalkhawm a, Inrinni zan, Pathianni zing Inkhawm, Pathianni chawhnu Fellowship leh Pathianni zan Inkhawm-ah te MBKHP hruaitute hian hun in hman chhawkin, Inrinni zanah Pi ZD.Vanlaldiki'n thuchah a sawi a, Pathianni zingah Rbt. F. Zanguri'n thuchah sawiin Pathianni zanah Pi C. Laltlanthangi'n thuchah a sawi thung.
Pathianni chawhnu-ah Inpawlhona neih a ni a, Pi C. Zothanmawii, Asst. Secy Serchhip Bial-BKHP-in a kaihruai a, MBKHP atangin Pi ZD.Vanlaldiki’n Chhawmdawlna In chungchang sawiin report a pe a, Rbt F. Zanguri’n Social Media hman chungchanga zirtirna a nei a, Buhfaitham leh Loisi Chanchinbu chungchang Pi C. Laltlanthangi'n sawiin, tan lak a tulna te a tarlang bawk.
