January 26-28, 2024 khan Bru Baptist Church Hmeichhe Pawl (Bru Baptist Broi Dol) Inkhawmpui vawi 6-na chu West Bunghmun-ah ‘Kristian Chhungkua’ tih thupuia hmangin neih a ni a. He Inkhawmpui hmanpui hian MBKHP hruaitute – President – Pi Pc Lalvohbiki leh ExecutiveCommittee member pahnih Pi C. Zonunsangi leh Pi V. Lalnunziri te palaiin, inkhawmpui hi an hmanpui a ni.
Inkhawmpui hi Zirtawp zanah tanin Inrinni nilengin Rorel Inkhawm neih a ni a, rorel-ah hian kum 2024-2026 atana hruaitu thar thlanna neih a ni. Rorel palai-a tel ve lo te tan Inpawlhona hun siam a ni bawk. Inrinni zanah Pi Pc Lalvohbikin thuchah sawiin, Pathianni zingah Pi C. Zonunsangi’n MBKHP hmingin chibaibukna a sawi a, Pi. V. Lalnunzirin MBKHP hmingin thilpek a hlan bawk. He Inkhawmpui-ah hian mikhual riak lut 386 awmin langa kal te nen mi 409 khual khua atangin an kalkhawm a ni.
Bru Baptist Church hnuaiah hian Bru Baptist Hmeichhe Pawl (BBBD) hi Pastor Bial 14-ah Unit 88 an awm a, member 2784 an awm mek a ni.
