June 18 Pathiani hmang khan MBKHP  Chhawmdawlna In pualin Chanmari pastor Bial, Lunglei-ah Campaign an nei a. MBKHP Hruaitute Rbt.H.Lalkimi, Vice President, Pi R.Lalnunziri, Exe.Comtt.Member leh Grace Society Board member te - Pi C.Lalhmingmawii leh Pi Lalnuntluangi te an kal.

Chawhnu dar 1: 30 ah BCM Chanmari Hall-ah Campaign hi neih a ni a, Pi H. Lalliantluangi, Bial BKHP President-in a kaihruai a, Pathian hnena inkawltirna leh Inhmelhriattirna te a neih hnu-ah Pi HK Lalianzauvi, Bial BKHP Secretary-in Bial report leh inhmelhriattirna neiin member kal zat inchhiarna a nei nghal a, Unit hrang hrang atangin BKHP member 98 an kal a ni. Pi H. Lalkimi, MBKHP Vice President-in Chhawmdawlna In leh MBKHP rawngbawlna report tlangpui sawiin, hmalak mek leh hma chhawp te a tarlang a. Ani bakah hian Pi. R. Lalnunziri leh Pi C. Lalhmingmawii te pawhin Chhawmawlna In leh an mamawh tul hrang hrang te tarlangin tanlakna tur te an tarlang bawk.