MBKHP -in CHS thilpek hlan[/caption]
Mizoram Baptist Kohhran Hmeichhe Pawl (MBKHP) chuan February 11, 2019 khan Christian Hospital, Serkawn Poor fund atan Rs. 552,674.00 leh Ventilator leina atan Rs. 537,982.00 chu Medical Superintendent, Upa Dr. B. Laldinliana hnenah an hlan. He thilpek hi Pi F. Zanguri,Treasurer leh Pi PS Lalhmingthangi, Organiser MBKHP ten an hlan a ni. Ventilator hi ICU a hman tur a ni a, damlo serious thawktirna khawl a ni.
Medical Superintendent Upa Dr. B. Laldinliana chuan MBKHP hian Nikum (2018) khan Ventilator leina tur hi Rs. 438,527.00 an lo hlan tawh a, tichuan tun tum ami nen belh khawmin Rs. 976,509.00 a ni a, hei hian Ventilator tha tak German siam lei theih beisei a ni a, hemi atan hian hma lak nghal a nih tur thu a sawi a. MBKHP ten hetiang thilpek ropui tak an pek avang leh Christian Hospital hmasawnna tura hma an lak tawhnaah te lawmthu sawiin, Pathian ropuina tur leh midangte tan malsawmna ropui tak anih tur thu a sawi.
