Naupang humhalh kawngah hmalak an tum
February 28, 2019 (Ningani)-a Mizoram Baptist Kohhran Hmeichhe Pawl (MBKHP) Rorel vawi 69-na, Mizoram Baptist Kohhran Biak In, Lamthuamthum, Haulawng-a neih chu tluang takin an zo ta a,ย rorel palai 502 an kal.
Rorel Inkhawm hi Pi F. Lalrochami, President-in a kaihruai a, ย Devotions hun a hman zawhah Palai te chibaibukna neiin kaltate sunna hun hman a ni. MBKHP organiser Pi PS Lalhmingthangin kum 2018-2019 chhunga BKHP rawngbawlna hrang hrang report a pe bawk. (See report)
Organiser report-in a tarlan danin Pastor bial 85-ah BKHP unit 449 an awm a, member 31,013 an ni. Kum 2018-2019 chhunga an sum hmuh chu opening balance nen vek Rs. 10,414,334 niin heta tang hian 9,306,260/- hman ral tawh a ni.
MBKHP ROREL 2019 : THU PASS TE 1. Kristian chhungkua dintharlehna Seminar leh Buhfatham Campaign neih. 2. Kan ramah Cancer natna a lo tlem a, a vei mek ten thlarau damna an chan theih nana tawngtai. 3. MBKHP hian Naupang humhalh (Child Protection) chungchangah chak takin hma lak. 4. Chhawmdawlna In Melte Boys Hostel sak na leh Zemabawk Cancer Hospital Poor Patient Fund tan unit tinin MBKHP kaltlangin theih ang anga tanpuina pek. 5. MBKHP hian Christian Hospital, Lawngtlai tanpui. 6. AICS pualin Unit tin vawikhat fehchhuah. 7. BKHP inkhawm zan apiangin Mizoram chhunga Jail hrang hrangah Thlarau Thianghlim harhna a thlen theih nana tawngtai. 8. Missionary pual bakah Subject hrang hrang hmangin Chawnghei tawngtai ram pum huapin neih ni se. Ei ai keng khawmin chumi chu Missionary tanpui ngaite tnpui nan hman ni se., hei hi kum tin rel thar ngai lova, thu leh awm hma chu hman zel ni se an ti bawk. 9. Kum 2019-20 Budget atan Rs 10,00,000/- Assembly (FOD)-in ceiling a pek angin siam a ni. Kum 2020 MBKHP Rorel Inkhawm hi Thenzawl Bialah neih a ni ang a, kum 2021 MBKHP Inkhawmpui chu S.Vanlaiphai Bialah nghah a ni thung ang.
