March 21, 2023 (Thawhlehni) khan Mizoram Baptist Mipa Pawl (MBMP) Executive Committee Meeting chu Sap Upa leh Pu Buanga Hall, Serkawn-ah neih a ni a. Meeting hi Rbt Chawngrolura, President-in a kaihruai a, Rev. H. Lalfakzuala, Secretary, Pu Lalnunsanga Pachuau, Treasurer leh Pu Vanlalpeka, Fin.Secretary ten ziakin report an pe.
Secretary Report-ah hian – MBMP Inkhawmpui vawi khatna chu tluang taka neih a nih thu te, Kum 2023 MBMP inchhiarna-angin member 16,402 an awm mek thu te, MBMP Inkhawmpui thawhlawm tlingkhawm atangin HATIM tanpuinan cheng nuai 3 leh sing 6, sang 5 leh 500 (Rs. 363,550/-) pek fel a nih tawh thu te tarlan a ni a. Finance Report-in a tarlan danin tun thleng MBMP sum hmuh chu cheng nuai 10, sing 6, sang 6 leh 871 niin, cheng nuai 3, sing 3 leh 717 hmang ral tawhin kuta la awm mek zat chu cheng nuai 5, sing 3, sang 6 leh 154 a nih thu tarlan a ni.
Meeting thurel zingah – kum 2023 BMP Day thawhlawm AICS tanpui nan hman ni se tih te, Kum 2024 BMP thuzir atan BCM thurin puan chhuah’ ni se tih te, Rampum huapa tawngtai rual BMP Day, May 4 zan inkhawm hunah Unit tinah neih ni se tih te, Environment humhalh Sub.Committee siam te, Kum 2024 MBMP rorel dawl tura Zobawk ‘S’ Bial-in an dilna remtih a nih thu te, MBMP Inkhawmpui dawltu tanpuina member pakhat-ah cheng 50/- khawn chu September thla ral hmaa pek tlak theuh ni se ti te a tel a. Tin, MBMP Rorel-in a passed, Chanchinbu kum khata vawi 4 tih chhuah tur atan Editorial Board hetiang hian din fel a ni bawk.
Editor: Pu ZD Lalnunsnaga
Joint Editor : Pu B. Malsawmkima leh Pu Lalzamliana Sailo
Cir.Manager: Rev. H. Lalfakzuala
Cir.Satff: Pu C. Lalawmpuia, Pu Vanlalfinga leh Pu Hrangthanzova te an ni.
