August ni 9, Zirtawpni khan BCM Chanmari Lunglei Kohhran Committee Room-ah Mizoram Baptist Kohhran Mipa Pawl Executive Committee Meeting neih a ni a, Committee memberte an kal ṭha hle.
Meeting hi Vice President, Pu R.Liankunga'n a kaihruaia, Secretary Rev. H.Lalfakzuala'n rawngbawlna leh hmalakna report a pe. Bial hrang hrang aṭanga sum luh dan report Pu Vanlalpeka, Finance Secretary-in a tarlang a, Treasurer Pu Lalnunsanga Pachuau-in sum hman dan report a pe bawk. Finance Secretary report aṭanga a lan dan kumin chhungin ₹14,90,441/- hmuh a ni tawh a. Target bikah 67.15% MBMP-ah a lut tawh a, BMP day thawhlawm pawh a lut ṭha thawkhat viau a, amaherawhchu Pandal pual fehchhuah te, MBMP Inkhawmpui 2026 pual membertin ₹50 khawn leh Unit tin Fehchhuahah erawh sum lut a la tlem thu tarlan a ni a, Bial leh Unit te a ṭul anga hma la tura ngen ṭha tih a ni.
An thu rel zinga langsar zualte chu,
1. Kum 2025-ah BMP thuzir neih loh mai ni se.
2. BCM Pandal structure leina tur ₹10,00,000/-(Nuai sawm) chu kum 2024 leh 2025 chhunga tuak tura hmalak a nih laiin kumin December thlaah Pandal structure hi siam peih a nih dawn avanga BCM General Secretary atanga sum pe hma tura ngenna hmuh a nih avangin Sum neihsa aṭangin lo pek phawt ni se tih a ni.
3. MBMP Rorel 2025 chu Aizawl Area BMP Co-ordination Committee-in thlengin Baptist Centre- Falkland, Aizawl-a ngah tura rel a ni bawk.
...............
- MBMP Media Cell | 12.05.2024
