January 14, 2023 khan Mizoram BMP Hruaitute OB leh Executive Committee member thenkhat chu Hnathial-ah kalin, February 10-12 chhunga MBMP Inkhawmpui, Hnathiala neih tur atan inbuatsaihna leh Pandal sak mek te a hmunah enin, MBMP Inkhawmpui Organising Committee member te nen inkawmhona an nei nghal a, Organising Committee member te hian Inkhawmpuina atana hmalak dan te lo hrilhin, hmabak tih tur la awm te an thlirho bawk.

MBMP Pandal (4).jpeg

He hunah hian MBMP Treasurer Pu Lalnunsanga chuan MBMP Inkhawmpui Dawltu tanpuina, BMP member tin ten Rs. 50/- an thawh tlingkhawm atangin cheng nuai 6 a hlan nghal a, kum 2022-a Inkhawmpui dawlna leh Donation sum tling khawm cheng nuai 11 an hlan hnu-ah tun tumah hian sum lut thar atangin an hlan leh a ni. Tichuan Inkhawmpui Dawltu tanpuina BMP memberte thawhkhawm leh Donation dang atanga an pek zat chu cheng nuai 17 a tling ta a ni.

MBMP Pandal (3).jpeg

Pandal hi mi 3500-4000 vel len theihna tura ruahman niin, Hnahthial Field-ah saka a ni a, a zualpui an zo thawkhat tawhin, tun-ah hian Sound, Light leh Decoration lamin hma an la chho ve leh mek a ni.

MBMP Inkhawmpui lo awm tur atan hian Hnahthial Khawpui chhunga Pastor Bial hrang hrang te a inzawmin Organising Committee din a ni a, Organising Committee hnuaiah hian Committee peng 12 zet a awm leh a, Bial leh Unit hrang hrang te Hnatlang inchhawkin neih thin a ni a, tuna an thlen chinah tha 900 chuang an seng tawh a, hnatlang hi nitin neih chhunzawm zel a la ni bawk.

Kohhran Hrang Hrang hruaitu ten Kohhran inzawmkhawm dan tur ngaihtuaha inrawnkhawmna an nei.

Kohhran Hrang Hrang hruaitu ten Kohhran inzawmkhawm dan tur ngaihtuaha inrawnkhawmna an nei.

Vawiin, January 24, 2023 (Thawhlehni) chawhma dar 10:30 khan Mizorama Kohhran Hrang Hrang hruaitu ten Kohhran inzawmkhawm dan tur ngaihtuaha inrawnkhawmna an nei. Tun tum Kohhran hruaitu te inrawnkhawmna hi Mizoram Baptist Kohhran in thleng in, Sap Upa leh Pu Buanga Hall, Headquarters Office, Serkawn-ah neih a ni a. Rev. R. Lalbiakliana, General Secretary, Mizoram Baptist Kohhran-in, kohhran hruaitu kalkhawmte lawmna leh chibaibukna a nei a, hemi hnu hian kohran hrang hrang atanga hruaitu lo kal te inhmelhriattirna neih a ni a, Presbyterian Church of India, Mizoram Synod (PCI), Evangelical Church of Maraland (ECM), Baptist Church of Mizoram (BCM), The Salvation Army, Lairam Isua Krista Baptist Kohhran (LIKBK) aiawh kohhran hruaitu mi paruk theuh  he inrawnkhawmna ah hian an tel. …

Mission Board Meeting neih a ni.

Mission Board Meeting neih a ni.

Tunkar Ningani, January 19, 2023 khan Mizoram Baptist Kohhran, Mission Board Meeting, BCM Hall, Serkawn-ah neih a  ni a. Meeting hi   President Rev. Dr. R. Zolawma’n a kaihruai a. Rev Dr. R. Lalthanmawia, AGS (Mission)-in report tlangpui a pe. …

Assembly Executive Committee Meeting neih a ni.

Assembly Executive Committee Meeting neih a ni.

Baptist Church of Mizoram, Assembly hnuaia Rorelna sang ber, Assembly  Executive Committee Meeting ni hnih awh tura ruahman chu January 18,  2023 (Nilaini) khan BCM Hall, Headdquarters Office, Serkawn-ah neiin zawh fel nghal a ni. Meeting hi BCM President, Rev. Dr. R. Zolawma’n a kaihruai a, Upa C. Hrangdula, Statistician-in Meeting Pathian hnenah hlanin a tawngtai a, General Secretary Rev. R. Lalbiakliana’n Department hrang hrang report khaikhawmin a pe. …