August ni 17-18,2024 (Inrinni leh Pathianni) hmang khan Mizoaram Baptist Mipa Pawl(MBMP) Hruaitute chuan BMP Buarpui North Pastor Bial tlawhin MBMP hruaitute Rbt R. Liankunga-Vice President, Pu Lalnunsanga Pachuau-Treasurer, Pu Vanlalpeka-Finance Secretary leh Pu Thangliana-Executive Committee Member te an kal. Bial chhung Unit hrang hrang te hi New Khawlekah intawkkhawmin Pathianni zan thleng hun hman a ni.
Inrinni zanah Pathian Biak Inkhawm neiin, Pu C. Zonunchama, Buarpui North Bial BMP Secretary-in inkhawm kaihruaiin, Rbt R.Liankunga, Vice President, MBMP-in thuchah a sawi a, Pathianni zing inkhawmah Bialtu Pastor Rev Lalrinawma Sailo-in inkhawm kaihruaiin, Pu Lalnunsanga Pachuau, Treasurer MBMP-in thuchah a sawi a, Zan lamah Pu Thangliana, Executive member, MBMP-in inkhawm kaihruaiin, Pu Vanlalpeka Finance Secretary MBMP-in thuchah a sawi.
Pathianni chawhnuah BCM New Khawlek-ah Joint Fellowship neih a ni a, Pu Lalhlunchhunga, Treasurer BMP Buarpui North Bial -in Fellowship a kaihruai. Unit report, Bial report leh MBMP report te ngaihthlak a ni a, Pathian faka zai honna hun hlimawm tak neih a ni bawk. Inkhawmna leh fellowshipah hian Unit hrang hrang Zaipawl leh Malzai te ngaihthlak thin a ni a, member ten hlawk thlak an tiin kham lo takin Pathianni zan Inkhawm banah an tin ta a ni.
BMP Buarpui North Bialah hian BMP Unit 6 - Ramhlun Unit, Buarpui unit, New Khawlek Unit, South Khawlek Unit, Dengsur Unit leh South Sabual unit te an awm a, BMP member 165 an awm mek ni.
