November 1, 2022 (Thawhlehni) khan Medical & Health Department Committee Meeting, Sap Upa leh Pu Buanga Hall, Serkawnah neih a ni a. Meeting hi Rev. Dr. R. Zolawma, President-in kaihruaiin Director, Mediacl & Health Department - Upa Dr. Lalramzuva’n Department report tlangpui ziakin a tarlang bawk.

Director report ah hian- Dr. LH lallawmsanga'n Christian Hospital, Lawngtlai-ah October 1 atanga a zawm thu te, Dr. Vanlalhmuna Kompa leh Dr. Rosy Lalhriatpuii te an zirna zova an zirna hmuna Bond year an tih mek thu te, Dr. Laltlansangi, zirna sang zawk zir tura Government Medical College, Surat, Gujarat ah Seat a hmuh thu leh admission a lak fel tawh thu te tarlangin, Dr. VL Chhanhimi Jahau, MD Anaesthesialogy zir zawm tura GSVM Medical Collge, UP-ah a kal thu te,  Assembly-in a remtih tawh angina Hospital-a hman tur Bolero thar lei fel a nih thu te, Christian Hospital, Lawngtlaiah Medical Superintendent awm tura Management Committee-in a tih angin Dr. B. Lalrinzauvi chu Medical Quarters peih fel a nih hunah a awm phei tur thu te a tarlang.

Christian Hospital Centenary atan inbuatsaihna hrang hrang kalpui zel a nih thu te, Christian Hospital, Serkawn-ah Inzaina Room (Operating Theater) buatsaihna atan Donation cheng nuai 47 leh sing 5, sang 2 hmuh a nih tawh thu leh OT hi buatsaih mekin, peh fel tep a nih tawh thu te a tarlang bawk.

Meeting thurel zingah Christian Hospital, Serkawnah Physiotherapy Unit hawn thar chungchang te, Equipment lei belh tur mamawh hrang hrang dilna te, Medical Officer te zingah PG zir zawm leh dilna te leh Mimal dilna leh Pension tur report te ngaihtuah a ni a. Kum 2023-2024 atana Department Plan leh Budget thlirin Finance Committee-ah thlen chhoh turin remtih a ni bawk.