Mizorama Chanchintha lo thlen dan chanchin (documentary film) communications department in a buaipui mek chu December 27, 2023 leh January 9, 2024 inkar khan a hmawrbawkna shooting tluang taka neih a ni.

Mingo Hnuhnung Shooting hmawrbawkna ah hian Sap Upa leh Pu Buanga te lanna hrang hrang te chu shooting neih a ni a. Sap Upa leh Pu Buanga a chang tur hian England atangin a hranpa in English mi pahnih Chris Lloyd, Liverpool khua leh Robert Hudson l, Birmingham khua te chu chah chhuah an ni a. Shooting hi Aizawl, Ailawng, AICS leh Tlawng lui ah te neih a ni a, chhun leh zan ah te neih a ni.

England atanga lo kal te leh Mingo Hnuhnung film pual hian January 7, Pathianni zing inkhawm ah BCM New Secretariat ah hun siam sak an ni a,  hetah hian sapram atanga lo kal te thilpek (mizo ipte chei) pek an nih bak ah Greetings te sawi tir an ni a, Mingo Hnuhnung Director hnen atangin film buatsaih dan report leh Pathian thuchah ngaihthlak nghal a ni bawk.

Film buaipuitu te lam atanga thu kan dawn dan in he documentary film hi kumin April thla ah chuan en theiha chhawpchhuah hman beisei a ni.