Feb 24 leh 25, 2024 hmang khan Christian Education Department buatsaihin Cherhlun Pastor Bial, Vathuampui Pastor Bial leh CBC-Marpara-ah te Sunday School Training leh  hetiang hian neih a ni:

#Cherhlun Pastor Bial huapin BCM Biak In, Cherhlun-ah Upa HS.Lalhmingthanga leh Upa PC.Vànlalrova te zirtirtu a  hmangin, Sunday School Training leh Seminar hi an nei a. Zirtawp February 24, Inrinni nilengin Training neih a ni. Zirtirna pe tura kal mi pahnihte hian chan insemin zirtirna an pe a, Inrinni zan, Pathianni zing leh Pathianni zanah te Thuchah sawiin, hun an hmang bawk a ni.

#Vathuampui Pastor Bial, BCM Biak In, Vathuampuiah-ah Sunday School Training leh Seminar hi neih a ni bawk a, zirtirna pe in  Upa H.Thangrivunga leh Upa Lp.Lalramzawnga te kal in Pathianni chawhnu-ah Training leh Seminar hi neih a ni a, Bial chhunga   Sunday School hruaitute leh zirtirtute an kal tha hle a ni.

#Chakma Baptist Church, Marpara Bial huapin, Mar South kohhran ah Sunday School Training neih a ni a, Rev. ZD Rodingliana Director, Christian Education Department, Upa B. Singpari, Sunday School Promoter ten he training hi hi neihpui in, Pathianni zing leh Pathianni zanah Sunday School Campaign neiin Pathianni chawhnu-ah Bial leh Tualchhung Kohhran Sunday School hruaitute leh zirtirtute pualin Sunday School Training leh seminar an neihpui a ni. Seminar-ah hian Kohhran hruaitute leh zirtirtu te an kal tha hle a, Sunday School hmasawnna tur sawihona hun te neih a ni bawk.