Cherhlun Pastor Bial-ah Mission Convention neih a ni
April 5-7, 2024 chhung khan Cherhlun Pastor Bial Mission Committee buatsaihin BCM Biak In, Bethlehem-ah Mission Convention neih a ni a, Speaker atan Rev. Vanlalmuankima, Director, Pastoral Ministry Department hman a ni a, Missionary Nl KC Lalbiakdiki leh zaithiam Nl Vanlalrohlui ten an tawiawm.
Convention chhung hian Inkhawmna hun vawi 5 neiin, inpawlhona vawi hnih neih a ni a, Convention neih chhung hianCherhlun khaw chhunga kohhran ten an Biak in te kharin he hun hi an hmang ho a ni.
BCM Chanmari-ah Mission Weekend hman a ni
April 6&7 hmang khan BCM Chanmari chuan ‘Chanchin Tha hi hril rawh u” (Marka 16: 15) tih thupui-a hmangin Mission Weekend Programme an hmang a, Speaker-ah Pu T. Nghaksanga, Mission Promoter an hmang a, Nl. CR laldingliani’n zaia rawngbawlin a tawiawm bawk.
Inrinni zan, Pathianni zing leh Pathianni zanah te Speaker hnen atangin thuchah bakah Kohhran zaipawl te, BKHP leh BMP zaipawl te leh mimal zaithiam te hnen atangin fakna hla ngaihthlak thin a ni a, Pathianni chawhnu-ah Mission pualin inpawlhona buatsaih a ni a. Speaker-in BCM Mission rawngbawlna leh hmathlir te sawiin zawhna leh chhanna hun te, sawihona te neih a ni.
