Arakan Lamah

Rev.B.Lalrinawma, Mission Coordinator chu March 19 a chhuakin Arakan lamah a kal dawn a. BCM rawngbawlna leh School te a hmunah a zu tlawh dawn a ni. Kumin Assembly-in Arakan field a kan rawngbawlna hrang hrang te tihchangtlun a lo passed angin thawktu quarters leh school building sak dan tur te pawh a en nghal beisei a ni. Coordinator hi A.V Manager Pu Vanlalruata Kawlni-in a tawiawm ang. An tum anga an kal theih chuan March 29-ah Headquarters lo thleng leh hman tura beisei an ni.

  Mission Consultation [caption id="attachment_13842" align="alignright" width="133"] HL Liantluanga[/caption]

March 16 & 17, 2019 (Inrinni leh Pathianni) hmang hian BCM Tawipui chuan Mission Consultation an buatsaih dawn a. Upa HL Liantluanga, Mission Promoter chu resource person niin a hmanpui ang. Mission Promoter hi March 22-24 chhung hian Tawipui North Pastor Bial Mission Inkhawmpui –ah Speaker a ni nghal bawk ang.

Missionary Retreat & Seminar

#March ni 8 – 10, 2019 chhung  khan Arunachal Far East Field-a Missionary te chuan Rev. Lalhmingchhuanga Jongte, Director, North India Mission Speaker-a hmangin Retreat an nei.

#West Bengal Field - Birpara, Sikkim leh Rajbonghsi Area a Native Workers te pualin Retreat/Leadership Training  hun remchang hmasa berah neihpui tum a ni bawk.

# March 9, 2019 khan Assam Field - North West Assam Baptist Church (NABC) Women Department pualin Seminar an nei a,  March 13&14 khan Bengal Area Kohhran hruaitu leadership trainning neih ani bawk.

  Gospel Campaign

Arunachal East a kan Missionary te chu  March ni 28 hian Simong khua-ah Gospel Tour nei turin an in buatsaih mek a, tin, March 29-30 chhung hian Yingkiongah camping neih an tum bawk. Speaker bik awm loin thawktu Missionary ten a in chhawkin thu chah an sawi ang. Hei bakah hian Missionary leh Native Evangelist ho te’n ringlo khua pahnih, Degom leh Kayi khua tlawh turin Programme an duan tawh bawk.

Field Inkhawmpui

#Jharkhand Field Inkhawmpui, March 15-17 chhung hian neih mek a ni a. He inkhawmpui hmanpui tur hian Serkawn Kohhran member 26 (Zaipawl member 20 leh Hruaitu 3, Speaker 2 leh Manager 1) an kal. Inkhawmpuiah "Lo danglam zawk tawh rawh u" (Rom 12:2)  tih niin,  Upa J. Lawmsanga leh Upa C. Lalbiakthanga te Speaker an ni ang.

#March 1-3, 2019 chhung khan Birpara Area- Mahila (BCNB) (Nu ho) Inkhawmpui, Mujnai Kohhran ah neih a ni. March 9 & 10 khan Birpara Area Children Meet neih a ni bawk.

#Birpara Area chhunga a kohhran te( Baptist church of North Bengal) Council March thla tawp ah hian neih tum a ni bawk

# MP & MS Field chuan March thla chhungin Thalai pual Crusade leh thawktute Leadership Training neih tum a ni a. Speaker leh Resource Person atan Field Director a ni ang.

#April 26 -28 chhung hian a vawikhatna atan Non-Mizo Thalai Inkhawmpui Lawngtlai-ah neih ani ang.