Baptist Masihi Mission hmalakna-in Cherhlun leh Thingsai inkara Lobour Camp-ah rawngbawlna neih a ni.
Baptist Masihi Mission chuan October 12-14 leh ni 20-23 chhung khan Cherhlun leh Thingsai inkar labour camp ah crusade an nei a. Pathian khawngaihna leh Kohhran hote țawngțaipuina changin mi 13 laiin Baptisma changin Lal Isua an rinna an puangchhuak. Kuminah hian ringthar 209 kan nei ta a ni.
He prog chhung hian BMM thawktute lo mikhual a, a țul apianga lo rawngbawlna thu tharbuaipuitu Bialtu Pastor Rev. Lalhruaitluanga Chawngthu leh BCM Cherhlun te chungah kan lawm hle mai. Ringthar te leh Kristian ni sa (An vaiin mi 40) te hi Pathianni tlai ah BCM Cherhlun ah zanriah kilpui niin Biak Inah Inkhawm pui nghal a ni.
BCM Cherhlun chhungkua engemaw zatin an thawmhnaw heng kan unau te pual hian an thawhkhawm bawk a, unit BKHP ten Gamchha lei nan cheng 2000 lai min pe a, Tualchhung Kohhranin kan rawngbawlna senso min tumsak vek bawk a ni.
Pathian leh min țawngțaipuitu zawng zawngte, Bialtu Pastor leh Cherhlun lama kohhran hote chungah kan lawm tak zet a, Pathian hmingin lawmthu kan sawi e.
Mission Convention:
#BCM Chanmari Vengthang: October 21-23 2022 hmang khan BCM Chanmari Vengthlang, Tualchhung Mission Committee hmalakna-in Mission Convention neih a ni a. “Lo chu khawvel a ni” Mathaia 13:38 thupui-ah hmangin Speaker-ah Rev. R. Lalnunzira, AGS-Service hman a ni.
Convention hi Zirtawp zan, Inrinni zan, Pathianni zing leh Pathianni zanah te Pathian Biak Inkhawm neiin Speaker-in thuchah tha tak tak a sawi a. Zaipawl - BCM Choir, Bial Zaipawl, Standing Choir, TKP, BMP Zaipawl te, BKHP Group zai te awmin, rawngbawlna an nei thin a, Pathianni chawhnu-ah Inpawlhona neiin, Mission rawngbawlna chungchang thlirhona leh zawhna leh chhanna hunt e hman a ni.
#BCM Hrangchalkawn: October 22-23 2022 (Inrinni leh Pathianni) hmang khan BCM Hrangchalkawn Mission Committee hmalakna-in Mission Convention neih a ni a. Thupuiah “Tunge ka tirh ang a, tunge ka tan kal ang” Isaia 6:8 hmangin, Speaker-ah Pu T. Nghaksanga, Mission Promoter chu hman a ni.
Convention hi Inrinni zan, Pathianni zing leh Pathianni zanah te Pathian Biak Inkhawm neiin Speaker thuchah bakah Zaipawl leh Mimal zaithiam ten rawngbawlna an nei thin a, Pathianni chawhnu-ah Inpawlhona neiin, Mission rawngbawlna chungchang thlirhona leh zawhna leh chhanna hun te hman a ni.
