Mizoram Baptist Kohhran hnuaia Nurse hna thawk hmasak berte zing ami  leh Pension thlenga lo thawk tawh, Pi K. Lianchhingi, Lawngtlai chuan February 14, 2024 (Chhun dar 12:30) khan kum 94 mi niin chatuan ram min pan san ta. Hemi ni vek hian an chenna Salem, Lawngtlai-III lamah ah phurh phei a ni a, zanah tlaivarpuiin, a tuk, February 15, 2024 (Ningani) chhun dar 11:00 khan Rev. Lalbuakhlua Chawngthu-in vuiin, Salem thlanmualah ropui taka thlah liam a ni.

Pi K. Lianchhingi hi kum 1930-ah Darzo-ah a piang a, Pawl 3-pawl 5 leh Upper class IV thleng Serkawn-ah zir chhuakin, Lunglengah Hmeichhe Sikul, Pi Zirtiri Sikul an tihah Pawl 6 a zir zo leh a. Pawl 6 a pass hnu-ah Serkawn-ah Zosap Missionary Pi Zirtiri (Miss EM Chapman) hnuaiah Nurse zirin kum 4 a awm a. Serkawn-a an zir chhuah hian Durtlang Hospitalah Nurse Trainingin kum 2 a awm leh a ni. Nurse a zir zawh fel hnu hian Kristian Hospital, Serkawn-ah kum 1959 January ni 1 atangin Nurse hna thawkin, Serkawn Hospital-a Mizo Nurse puitling thawk hmasa ber a ni. Kum 1959-ah Upa K. Vanmawia nen an in nei a, fapa 3 leh fanu 5 an nei a, tu chhuan 42 an nei bawk.

Serkawn-ah hian thla hnih chauh a thawh hnu-in Kohhran tirh thovin S.Vanlaiphai Dispensary-ah Nurse hna thawk turin dah a ni a. Hetah hian kum rei tak a thawk a, Chhim lam leh Khawchhak lam tlangdung-ah Nurse leh Doctor an awm mumal loh avangin thingtlang khaw hrang hrangah nau chhar leh dam lo leh hliam tuar te enkawlin a kal kual thin a ni. Kum 1972-ah S. Vanlaiphai atangin Lawngtlai-ah Diapensary-a thawk turin sawn a ni a, hetah pawh hian rim leh hah takin a pension thlengin a thawk a ni. Kum 1984-ah Sister-ah kaisangin, 1989, January 1 ah a lo pension ve ta a ni.

Pi K. Lianchhingi hian kum 2008 khan India rama Nurse hna thawk thate chawimawina sang – National Florence Nightingale Award for Nursing Personel a dawng a, a service chhung 1959-1989 chhung hian nau 1300 chuang a chhar hman a, pension-a a chhuah hnu-ah pawh nau chhar leh dam lo enkawl-in hun rei tak ama tlawmngaihna-in a la thawk zui zel a ni.

Mizoram Baptist Kohhran chuan Mizo te zinga mi chhuanawm leh entawn tlak – Pi K. Lianchhingi a nei hi a chhuangin a rawngbawlna te a ngai hlu tak zet a, a chanchin leh a sulhnu te hi a hre reng tawh dawn a ni. A kalsan a chhung leh khat, tu leh fa te zawng zawng Lalpa’n thlamuanin awmpui zel rawh se.

A damlai a amah kawmna ngaihnawm tak hi lo thlir ve rawh le : Pi K. Lianchhingi kawmna

R & D in Ralvawngah khuarel chhiatna tuartute tanpuina a sem.

R & D in Ralvawngah khuarel chhiatna tuartute tanpuina a sem.

April 18, 2024 (Ningani) khan  Relief & Development Department chuan Ralvawng-a thli leh rial avanga chenna in chhia chhungkaw 53 te chhawmdawlna atan Charity fund atangin cheng nuai khat an sem a. Tanpuina hi Rev. L. Vanlalsanga, Director R&D, Pu Lalrinawma, Coordinator leh Nl. Laldinthari Ralte, Field Facilitator ten a hmunah kalin an hlan a ni. He hunah hian Kohhran hruaitute bakah khawtlang hruaitu te engemawzat-in an tawiawm a ni. …

BMP Lunglawn unit ten Media Awareness an nei.

BMP Lunglawn unit ten Media Awareness an nei.

Tualchhung Kohhran Media Committee hmalakna in April 15, 2024 (Thawhtan) zan inkhawm ah media awareness hi neih a ni a. MBMP Media Cell Committee Convener Pu Vanlalpeka chu Resource person-ah hman a ni a, MBMP Media Committee Secretary Rbt.J.Lalrosanga leh Pu R.Lalhlimpuia, Committee member ten an telpui bawk. …

ṬKP Zotlang Pastor Bial, Aizawl ten Bial Sport an nei.

ṬKP Zotlang Pastor Bial, Aizawl ten Bial Sport an nei.

Bial TKP Sport hi Luangmual Indoor Stadium April ni 12, 2024 khan neih a ni a, Bialtu Pastor Rev. RC. Lalthanzama'n Pathian hnena hlanna leh hawnna a nei a, member 408  kal in, Bial ṬKP Sport neih tawh ah chuan kal ṭhat ber ṭum a la ni. Inelna hrang hrang- member kal tam-ah te, Fian sehkawha intlan siak te, thil in ei siak te, chana fang tla inchhar chak siak te leh Volleyball hmang te-in an nei a ni. …