Mizoram Baptist Kohhran Hmeichhe Pawl Rorel vawi 75-na chu February 27, 2025 (Ningani) khan tluang takin neih zawh a ni. Kumin Rorel hi BKHP Aizawl Central Pastor Bial ten BCM Biak In, Central Church-ah neih a ni.

Palai kal zat:

Bial aiawh – 181, Unit aiawh – 361, MBKHP OB – 8, MBKHP Executive Committee member – 23, Ex-officio – 2, Observer – 1, Fellowship Department palaite – 5, Co-opted member – 4 Total – 586

Rorelna:

MBKHP Rorel 2025 hi February 27, 2025-ah neih niin dar 10:00 a.m. ah tan a ni. Rorel hi MBKHP President Pi HK. Lallianzauvi’n a kaihhruai a, Secretary Lalhmingmawii Chongthu hnen atangin February 17, 2024 – February 26, 2025 chhunga MBKHP rawngbawlna hrang hrang ngaihthlak a ni. Hei bakah hian Fin. Secretary, Treasurer, Circulation Manager, Loisi, Fin. Secretary Grace Society Board, Treasurer Grace Society Board, Treasurer, Building Committee Grace Society Board, Editor Loisi leh Chhawmdawlna In & Drop-in Centre report ngaihthlak a ni bawk. Kum 2024 MBKHP Rorel leh 2025 Rorel inkara BKHP member mi 304 ten Ropuina rama kalte sunna, an rawngbawl tawhna avanga lawmthu sawina leh an chhungte leh Kohhrante tan tawngtaina Rev. K. Lalnunsanga, Bialtu Pastor, BCM Aizawl Central Pastor Bial-in a nei.

BKHP member hi kum 2024 aiin member 553-in kan pung a ni.

Report hun chhunga member boral zat: 304

MBKHP Office Bearers meeting neih zat: 6

MBKHP Executive Committee meeting neih zat: 5

MBKHP & MBKHP-Grace Soceity Board Joint Office Bearers meeting: 1

Thurel tlangpuite:

1. Chhawmdawlna In Rinna Thutiam nihphung leh a pek dan inzirtir thar leh ni se tih a ni. Chhawmdawlna In Rinna Thutiam hi Budget leh thil dang atanga pe lovin member tinin rinna thutiam a nih ang ngeia intiam tura inzirtir thar leh ni se tih a ni a, a bawhzui dan tur chu MBKHP Executive Committee kutah dah a ni.
2. Kumin chhungin BKHP inkhawm apiangin BKHP Thutiam, din chhan leh thil tumte sawi rual thin ni se tih a ni.
3. Kumin 2025-ah hian Fellowship Inkaihhruaina Dan bua BKHP Inkaihhruaina hi Unit tinin mahni Unit-ah kum tir lamah inzirtir thar leh theuh ni se tih a ni.

      4.  Kum 2025-2026 MBKHP Executive Committee Plan: 

          i) Ram chhung Mission Field tlawh.

         ii)  Tlawh khat bial 8 tlawh.

        iii)  Bial atanga sawmna chhan.

        iv) Grace Society Board hnuaia thawktute leh Chhawmdawlna Ina enkawl laite Advance Krismas hmanpuia thilpek pek. 

        v)  Drop-in-Centre thla thum danah (quarterly-a) tlawh.

        vi) BCM hruaitute nena inkawmhona neih leh BCM hmun pawimawh tlawh

5. Fehchhuah: Chhawmdawlna In pual fehchhuah rel thar ngai lo kan nei sa a, hemi bakah hian kuminah ‘Chhawmdawlna In Hmeichhe Hostel sak tanpui nan Unit tin vawi khat Fehchhuah ni se’ tih a ni.

6. Christian Hospital Lawngtlai tihchangtlun nan Unit tinin theih ang anga tanpui ni se tih a ni

7. AICS tanpui nan Unit tinten vawi khat inkhawm thawhlawm atanga pek ni se tih a ni. A hun leh tul dang chu MBKHP Executive Committee kutah dah a ni.

8. BKHP Unit tinten Buhfaithamah hma kan lo sawn leh zual theih nan leh a pawimawhna kan lo hriat lehzual theih nan Buhfaitham Campaign neih ni se tih a ni a, a neih          dan tur chu MBKHP Executive Committee kutah dah a ni.

9. Fa neih tam inzirtirna hi nikum lama zir tur booklet tihchhuah tawh kha Unit leh Bial, a zir duhte chuan mahni remchan angin lo zir chhunzawm sela, kuminah chuan Tu leh fate enkawl dan zirna tih leh Sex hman sualna, a bik takin same sex chungchangah, kan fate kan venhim theihna tura inzirtirna hi booklet-ah siamin inzirtirna neih leh ni se tih a ni a, a bawhzui dan tur chu MBKHP Executive Committee kutah dah a ni.

10. Kumin 2025-2026 chhung hian BKHP inkhawm apianga tawngtai thupuiah “Tu leh fate kan enkawl thiam theih nan” tih leh Mizoramah Cancer veite an lo dam theih nan leh cancer natna a lo rem theih nan tih hi tawngtai subject-ah telh remtih a ni.

11. BCM Tawngtai hruaina buah Zirtawpni thupuiah tu leh fate pual telh ve tura Communication Department-ah thehluh ni se tih a ni.

12. Kum 2025-2026 atan MBKHP Budget Rs. 14,25,000 pawm a ni

Download Minute File