Vawiin June 27, 2023 (Thawhlehni) zing dar 10:00 khan 'Mizoram Baptist Kohhran, Inkhawm Kaihhruaina'  (Worship Manual) chu AGS Service Rev. R. Lalnunzira’n BCM Hall Headquarters Office Serkawn-ah a tlangzarh a, tlangzarhna a neih zawh-ah Tawngtaiin Pathian hnenah a hlan. Inkhawm Kaihhruaina (Worship Manual) hi phek 118-a chhah niin, bu khat cheng 100/- man a ni a, Baptist Bookroom hrang hrang-ah lei theih turin chhawp chhuah a ni ang.

Mizoram Baptist Kohhran Inkhawm Kaihhruaina (Worship Manual) hi Mizoram Baptist Kohhran, Pastor te, Upa leh rawngbawltute bakah Kohhran miten a tul anga an hman theih tura buatsaih a ni a. Kohhran Inkhawm, Serh leh sang hman dan te,  Member lawmluh te, Pastor/Upa nemngheh te, tirhchhuah Inkhawm, Biak In hawn leh thil dang hrang hrang a awm a ni. He lehkhabu hi Bial leh Tualchhung Kohhran tinin tih dan kalphung inang tlanga hman a nih theih nana Baptist Publication Board in a buatsaih a ni.