January 16, 2024 (Thawhlehni) khan Mizoram Baptist Mipa Pawl (MBMP) Executive Committee Meeting vawi 11-na chu Sap Upa leh Pu Buanga Hall, Serkawn-ah neih a ni a. Meeting hi Rbt Chawngrolura, President-in a kaihruai a, Rev. H. Lalfakzuala, Secretary, Pu Lalnunsanga Pachuau, Treasurer leh Pu Vanlalpeka, Fin.Secretary ten report an pe.
Secretary Report chuan – BMP, Pastor Bial 78-ah dingin Unit 337 an awm mek thu leh member 15,872 an awm thua tarlang a. MBMP Rorel 2023-in a passed bawhzuina MBMP Chanchinbu ‘BMP Aw’ vawi thum tih chhuah a nih tawh thu te, Environment humhalh kawngah Bial leh Unit ten hma an lak that thu leh hemi bawhzuina atan Essay inziak siak buatsaihin mi thahnem takin an ziak thu te, Christian Hospital Serkawn leh Lawngtlai tan - Poor Patient Fund, cheng nuai1, sing 6, sang 3 leh zanga (163,500/-) ve ve pek a nih thu te, kum 2024 BMP Thuzir “Baptist Thurin Chhuizauna” Rev. Dr. Raltawnga ziak Bial tinah thawn chhuah a nih thu te a tarlang bawk.
Meeting thurel zingah – Property Committee-in Pandal Structure leina tur cheng nuaisawm(₹10,00000) BMP thawhchhuah tura a tuk te, MBMP Media Cell hmalakna atana cheng sing 3 riuahmanna te, Jampui Sakhan BMP te Inkhawmpui-a Zaipawl kalna tur sum ₹45,000 te, Aizawl Area BMP Budget atan Cheng nuai 1, sing nga (Rs. 150,000/-) leh Lawngtali Area atan cheng sing 8 leh sang nga (Rs. 85,000/-)te pawma ni a. BMP Aw, bu khat cheng 10/- atangia cheng 20/- (corrected) a tihsan editorial board a rawtna chu remtih a ni bawk.
MBKHP Rorel, MṬKP Rorel leh BCM Assembly-ah te MBMP aiawha palai tur te ruat fel an ni a; MTKP Rorel-ah Pu Vanlalpeka, Fin.secretary leh Pu R.Laldinliana exe com.member te ruatin, MBKHP inkhawmpuiah leh Rorel-ah Rev H.Lalfakzuala, Secretary leh Pu LP Lallianzuala Exe.com.member te ruat an ni a, BCM Assembly-ah Rbt Chawngrolura Chawngthu,President chu BMP aiawha Rorel palai turin ruat a ni bawk.
