Vawiin June 21 (Nilaini) 2023 chawhma dar 10:00 khan 'BMP Aw' Tlangzarhna inkhawm BCM Hall, Headquaretyrs Office Serkawn-ah neih a ni a. Rev. H. Lalfakzuala, Secretary, MBMP-in kaihruaiin, MBMP Inkhawmpui Rorel 2023-in MBMP Chanchinbu buatsaih ni se ti a a rel bawhzuina kal zela Chanchinbu buatsaih tura hmalakna hrang hrang te tarlang in, Editorial Board te hmelhriattirna te a neih hnu-ah Rev. Dr. R. Lalthanmawia AGS-Mission in Mizoram BMP chanchinbu ‘BMP Aw’ hi tlangzarh a, AGS-in a tlangzarh zawh hian Editor Pu ZD Lalnunsanga’n Pathian hnena hlanna leh lawmthu sawina tawngtaina neiin Tlangzarh Inkhawm a khar a ni. BMP Aw Tlangzarhna inkhawmah hian Headquarters Office-a thawktute leh BMP hruaitute an kalkhawm a ni.

BMP Aw hi 2023 Mizoram BMP Inkhawmpui Rorelna-in BMP Chanchinbu kum khata vawi 4 chhuak buatsaih nih se tih thu bawhzuina niin, Executive Committee-in Editorial Board member te ruatin hma an la a, Issue vawikhatna (April-June) hi tihchhuah turin peih a lo ni ta a ni. Issue hmasa ber hi Copy 4000/- chhut a ni a, phek 32 a ni, a man hi copy khat cheng 10/, kum khat atan cheng 40/- a ni. Editorial Board member te chu hengte hi an ni:-

Editor – Pu ZD Lalnunsanga

Jt.editor – Pu B. Malsawmkma & Pu Lalzamliana Sailo

Circulation manager – Rev. H. lalfakzuala – Secretary MBMP

Circulation Staff –     
1. Pu C. Lalawmpuia (Lunglei Area)

2. Pu Vanlalfinga (Aizawl Area)

3. Pu Hrangthanzova (Lawngtlai Area)

Ex-Officio member -   Rbt. Chawngrolura Chawngthu, President, MBMP