Mizoram ṬKP Rorel vawi 69-na in, "Mizoramah tun aia rorelna dik a awm theih nan MṬKP hian hma la rawh se" ti a rel bawhzuina atan October ni 8 leh ni 9, 2023 khan MṬKP hruaitute chuan Aizawl khawpuia Political Party hrang hrang Headquarters Office te tlawhin Party hruaitute an kawm.
He hunah hian BJP, AAP, Congress, MNF leh ZPM Headquarters Office-te tlawhin Rorelna dawhkan kil tura inbuatsaih mek an nih avangin tun aia rorelna dik vawng nung leh tungding ngam turin Party hrang hrang hruaitute chu an ngen a. Rorelna dik a awm theih nana huaisen taka hma la ngam tura fuih in, ṭawngṭaisakna hun an hmang nghal a ni. He hunah hian Mizoram ṬKP hruaitute bakah Aizawl Area ṬKP Coordination hruaitu te an feh chhuak a ni.
