October 26 leh 27, 2024 hmang khan MṬKP hruaituten ṬKP Paithar Pastor Bial an tlawh a. Tun tumah hian MTKP hruaitu – Executive Committee member pathum – Pu Lalrammuana Sailo, Pu Jeffrey Lalremruata leh Nl. H. Lalengliani te an kal a ni. MTKP hruaitute hi Bial TKP Hruaitute ten Bialtu Pastor hovin Pastor Quater ah an lo hmuak a, Paithar unit te nen chawhlui an kil ho nghal a, zan lamah Paithar Kohhranah inkhawmin Pu Lalrammuana Sailovin thuchah a sawia, MTKP report tlangpui ngaihthlak a ni bawk.
Pathianni-ah MTKP hruaitute hi Bial chhung Unit leh Kohhran hrang hrangah insem darhin hun an hmang a - Pathianni zingah Kohhran Pathumah hun hmangin - Saizawh East Kohhranah Pu Lalrammuana Sailo, Kawlchaw W –ah Pu Jeffrey Lalremruata leh Sihtlangpui Kohhranah Nl. H. Lalenglianai ten thuchah sawiin hun an hmang a, Pathianni zanah Kohhran pathum bawk tlawh lehin, R. Vehne-ah Pu lalrammuana Sailo, Silo Kohhran, Kawlchaw E-ah Pu Jeffrey Lalremtuata leh Chawntlangpui Kohhran-ah Nl. H. Lalengliani ten hun an hmang leh a ni. MṬKP hruaitute hi an kalna apiangah Bial leh Unit hruaituten an ṭawiawm ṭhin a ni.
