MTKP Inkawmpui a tiak ta

By Communications Dept.BCM

Mizoram Thalai Kristian Pawl (MTKP) inkhawmpui vawi 48-na 'Pathian hnaih' tih thupui hmanga  February 13-16, 2025 a  Pasalthate Run, Lunglawn Mual a neih chu February 16, 2025khan a tiak. Palai riak lut zawng zawng hi Sangli zathum sawmthum pariat ( 4338 ) an ni a, Inkhawm tawp ber Pathianni zan inkhawm zat hi Singhnih sanghnih sawmnga pakhat (22051)  niin,  thawhlawm cheng Nuai hnih sing sarih sang sarih zathum sawmthum panga (277335) a ni. Inkhawmpui chhung zawnga thawhlawm tlingkhawm hi cheng Nuairiat singruk sangnga za sawmkua (865190)  a ni. 

Inkhawmpui chhung hian Pathian Biak inkhawm bak ah, mission pual inkhawm, variety programme, fellowship leh praise and worship te neih thin a ni. A tawp zan inkhawm ban 'Praise and Worship' hi zanlai dar 12 thleng neih a ni a, Pandal khat tlatin thalai kal khawm ten Pathian an fak a ni. 

Inkhawmpui bakah hian rorel vawi 71-na BCM Biak in Lunglawn ah neih a ni a, rorel palai hi 588 an ni. 2024 rorel leh 2025 rorel inkara TKP member thi zat 158 niin, mipa 139 leh hmeichhia 19 an ni. Innei tuak 618 awmin, Kohhran dan puitling a innei tuak 401 an awm a ni.

MTKP Inkhawmpui 2028 hi Hnahthial Khawpui ah neih a ni leh ang.

Literature & Printing hnuaia Publication Board buatsaihin Literature Workshop neih ani.

Literature & Printing hnuaia Publication Board buatsaihin Literature Workshop neih ani.

Vawiin March 15, 2025 (Inrinni) nileng hian Literature & Printing hnuaia Publication Board in a buatsaih Lunglei khawpui chhunga tualchhung kohhran hrang hrangte atangin mi panga zel literature lama tui mi leh tualchhung kohhran chanchinbu enkawltute pualin BCM Hall, Serkawn ah Literature Workshop neih a ni. …

Lawngtlai Area BMP Meet vawithum na neih a ni dawn.

Lawngtlai Area BMP Meet vawithum na neih a ni dawn.

March 14- 16, 2025 ( Zirtawpni zan atanga Pathianni zan ) chhung hian Lawngtlai Area Baptist Mipa Pawl Meet vawi 3-na BCM Biak In, Electric Veng, Lawngtlai-ah “ I ram lo thleng rawh se (Mathaia 6:10) ” tih thupui a hmangin meet neih a ni. Speaker atan Rev. Dr. H. Lalthlamuana Executive Secretary, Lawngtlai Area chu hman a ni. …

BCM Pathianthu zirna inpui, AICS zirlai kal chhuak tur te tirhchhuahna inkhawm, Valedictory Service Vawi 23-na neih a ni.

BCM Pathianthu zirna inpui, AICS zirlai kal chhuak tur te tirhchhuahna inkhawm, Valedictory Service Vawi 23-na neih a ni.

Vawiin March 14, 2025, (Zirtawpni) chawhnu dar 2:00 khan Pastor Thanzinga Chapel, AICS- ah Valedictory Service Vawi 23-na neih a ni. Principal Rev. Dr. C. Vanlaldika’n inkhawm kaihruaiin, kalchhuakte fuihna thuchah Rev. Dr. V. Laldingliana’n a sawi. Inkhawm-ah hian zirna inpui neitu BCM aiawhin Rev. R. Lalnunzira, AGS-Service in thu a sawi bawk. …