MTKP 2019 Logo[/caption]
Inbuatsaihna hrang hrangin vawr tawp a thleng chho mek.
Mizoram Thalai Kristian Pawl (MTKP) Inkhawmpui 2019, Tlabunga neih tur chu a hnai chho ta hle mai. Tarlan tawh thin ang khan he Inkhawmpui lian hi February 14-17, 2019 chhung hian Tlabung Pastor Bial TKP ten Licheng Field, Tlabungah an dawl dawn a ni. Inbuatsaihna hrang hrangin a vawrtawp a thleng mek a, kan hriat theih chinah hmalakna hrang hrang tluang takin a kal chho mek a ni.
PANDAL:
November thla atanga tan, Pandal sak hna chu ngawrh taka thawh chhoh niin tunah chuan zawh thawkhat a ni tawh a. A chhung che, Sound & Light fit leh th te hmabak a la awm a, hei pawh hi zawh thuai beisei a ni.
Pandal sakna tur hian mau pum 5000 bawr vel hman a nih tawh thu, Pandal Committee-te chuan sawiin, “Hriat theih chinah rawnàl pum 4000 leh vairua pum 1000 vel kan hmang tawh a ni,” an ti a; dawhsàn tih loh tih tur tam zawk chu peihfel thawkhat a nih tawh thu an sawi.
Pandal Committee sum hman tura ruahman (budget) zât chu cheng nuai 14 vel a nih laiin, tun dinhmunah cheng nuai 13 vel hmanral a nih tawh bawk. He andal hmingah hian vote hmu tamber 'Pu Buanga leh Sap Upa Run' tih chu hman a ni ang.
Health & Sanitation : Health & Sanitation sub-committee-ten tun hnai khan Tlabung chhehvela khawtlang hruaitute an kâwm a. Fâina chungchanga tanrual dan tur sawihona hun tha tak aneih pui. MTKP inkhâwmpui hunah ram chhung hmun hrang hrang atangin mikhual thahnem tak an kalkhawm dawn tih sawiin, Tlabung khua a fài loh chuan mualphona lian tak a tling thei dawn niin an sawi a, “Kan zavaia kan tanho a ngai. Fâina kawngah tun ai hian mimal tinin hmasâwn kan tum a pawimawh a ni,” an ti a; Tlabung chhehvel atanga khawtlang hruaitu kalkhâwmte chu tun aia fâi pawimawhna inzirtir kawngah nasa lehzuala tan la turin an chah a ni.
Ushers training: January 15 khan, MTKP inkhâwmpui huna mikhualte lo chhàwn tur, usher-te pualin ni khat awh training buatsaih a ni. He huna usherte hriat tur thil tûl apiang sawifiah leh, zirtirna pe tur pawh ruat fel a nih tawh thu tge, Ushering sub-committee hruaitute hnen atangin dawn a ni.
Pandal satute hâw ta: MTKP inkhâwmpui pandal satu, state páwn atanga chah luh mi 13-te chu an hna an zawh fel hnuin, thla khat chuang an awmna Tlabung an chhuahsan. Inkhâwmpui pandal satu, hlawh neia rawihte hi eirawng báwltu tiamin an vaiin mi 14 an ni a, anmahni chhawr nan a vaiin ` 3,40,000 bawr vel sènral a ni.
Promotional video siam: Information and Publicity subcommittee buatsaih MTKP inkhâwmpuia kal tura sàwmna leh inkhâwmpui chungchang tihlàrna video, Mizoram hmun hrang hranga mite thlir theih turin- promotional video pawh peih fel a ni ta a, Youtube leh Media hrang hangah thlir theiha dah a ni ta. Watch Video
Thutphah tuamna tur:Pandal chhunga thutthleng siam te khuhna tur thelrêt chu hun eng emaw chen kawng laka a thang khawtlài hnuin, nilaini khan Tlabungah phurh thlen a ni. Thutphah khuhna tur thelrêt phurh thlen a nih avang hian, pandal hnâ pawh tun aia a sâwt zawk rin a ni.
Src: MTKP Inkhawmpui, 2019 Tlabung : Inkhawmpui Aw
