MTKP 2019 Logo[/caption]
Mizoram Thalai Kristian Pawl (MTKP) Inkhawmpui vawi 47-na Tlabung-a neih tur chu vawiin thlenkim ni a nih angin hmun hrang hrang atangin palai an thleng khawm mek a, A dawltu Tlabung Bial chuan Inkhawmpui kal mikhual 8000-10000 chuang dawl turin an inbuatsaih a, Pandal pawh mi 8500 thut theih bakah hawn belh theihin ruahman a ni. Tarlan tawh thin ang khan kumin MTKP Inkhawmpui thupui chu "PATHIAN HMANGAIHNA" tih a ni.
Tun tum MTKP Inkhawmpui hi Zonet leh LPS ten Live-in pek chhuah an tum a, anni atang hian Sub.Operator ten an pechhawng ve tura ngaih a ni. Cable TV bakah hian ZOEN CABLE NETWORK TLABUNG pawhin Youtube-ah Live Stream pek an tum bawk.
...............
PROGRAMME HIGHLIGHT
Inkhawmpui hawnna Inkhawm hi zanin Dar 6:00-ah Pandal-ah neih a ni ang a. 6:30 thleng Pathian faka zaihona atan hman niin 6:30-ah programme tan a ni ang a, Inkhawm hi Upa Lalmuanawma Sailo, Exe.Comtt.member-MTKP-in a kaihruai ang. Hun hmasa lamah Inkhawmpui hawnna neih a ni ang a, Amidst The Storm and Hurdles Worship Team ten he hun hi an hmang ang. Hnahthial 'S' Pastor Bial ten Shadow Mime entirin, BCM Choir ten MTKP 2019 Theme Song an sa ang a, Rev. Lalmuanzuala Sailo, Bialtu Pastor, Tlabung Bial-in Inkhawmpui a hawng ang. Zaipâwl paruk, Solo 4 leh Group zai 1 bakah Group Recitation pakhat a awm bawk dawn a . Rev. Dr.C.vanlaldika, AGS i/c Mission-in "Pathian chu hmangaihna a ni", tih thupui hmangin thuchah a sawi ang.
Zanina Zaipâwl zai tur te (o) BCM Choir : Theme Song (1) Hnahthial North Pastor Bial (2) Hauruang Pastor Bial (3) Zobâwk South Pastor Bial (4) Sêrte Pastor Bial (5) Zâwlpui Pastor Bial (6) Damdep Pastor Bial Solo : (1) Lalhmangaihzuali, Sangau Unit (2) F. Nghâkliana, Ramzotlâng Unit, Lunglei (3) Gospel Lalrimawii, Ngharchhip Unit (4) H. Lalhmangaihsangi, Bethel Unit, Aizawl Group Recitation: Salem Unit, Lunglei Male Voice : Farm Vêng Unit, Lunglei Download: MTKP 2019 Detailed Programme Naktuk, February 15 (Zirtawpni) khian BCM Tlabung Biak Inah MTKP Rorel neih a ni ang a, Rorel Palai ni ve lo te tan Pandal-ah Chawhma lamin Pathian Biak Inkhawm a awm ang a Chawhnu lamah Inpawlhona (Variety Programme/Fellowshipa) a awm ang...................
Sap Upa leh Pu Buanga Run
[caption id="attachment_13574" align="aligncenter" width="720"]
[Sap Upa leh Pu Buanga Run, Licheng Field, Tlabung][/caption]
MTKP Inkhawmpui Vawi 47-na Pandal hi Licheng Field ah sak a ni a. Pandal hming atan hian Sap Upa leh Pu Buanga Hall tih a ni.
Pandal sak anih theihna tur hian Pandal Committee vawi 5 leh OB meeting vawi 6 zet an nei. Kum 2018 Thla tawp ber December Nikhat ah Pandal sak hna hi tan a ni a. Tichuan, Silchar atangin vai hlawhfa lak niin Nuai 3.5 zet sen a ni bawk.
Sap Upa leh Pu Buanga Run-ah hian mi 8500-9000 vel leng tura lian niin A dung fit 260 leh A vang fit 170 a lian a ni a. Kawngka pui ringawt pawh 12 awmin Block 22 a then ani bawk a. Block khat zau zawng hi 48x24 fit ani bawk. Pandal budget hi Nuai 14 a ni a, mahse Expenditure hi nuai 16 vel hman ani a. Silpauline Bundle 14 hmangin Ceiling puan atan an hman ringawt pawh hi 7100 mtrs a tam a ni bawk a. Lamtual zau zawng hi 54x58 fit a zau niin Stage hi 52x36 fit a lian a ni a. Heng zawng zawng khuh mawina atan hian Wollen Carpet 1890 mtrs a tam an hmang bawk a ni.
Pandal mamawh atan hian chartin 400 zet hman a ni a. Thutna atan hman tur leh tul danga hman tur thingphek 965 zai tir niin hemi bakah hian Sub-Hqrs YMA thuthna thingphek 185 hmangin, chumi do kang tu tur chu Brick 14700 an hmang bawk a ni. Tin, thutna tuam mawitu atan sarang 142 Kg hman a ni a. Pandal sak anih atanga a tawp thleng hian puitling tha 4000 leh KNP tha 600 zet hman ani bawk a. Kristian ni lo te pawhin Pandal sak hnatlang an nei a. Tlabung Mandir Committee in Pandal sak hnatlang hi an nei bawk a. Tin, Pandal mawi taka design tu hi Upa T.Lalhlimpuia (MTKP Asst.Secy hlui) a ni. [reports: Elvist]
.............
