MTKP Rorel - 2017 @ Zotlang 'N'[/caption]
Mihringa sumdawn chungchang hma lak zel tum
Mizoram Thalai Kristian Pawl (MTKP) Rorel vawi 63-na, February 9, 2017-a Mizoram Baptist Kohhran Biak In, Zotlang North, Lunglei-a neih chu tluang takin an zo ta. Rorel Inkhawm hi dar 10:00 Am –ah tanin, Rev. Jc Vanlalluaia, MTKP President-in Rorel hi kaihruai a, MTKP Organiser, Rev. Lianchhunga Khiangte-in Report a pe. In chhiar laia Rorel palai zat hi 459 an ni.
MTKP Organiser report-in a tarlan danin – Pastor Bial 81 -ah Unit 412 an awm mek a. TKP member 43,220 niin, Hmeichhia – 16,244 leh Mipa -26,976 an ni. Bazar Bial-ah member tam berin 1725 an awm a, Parva Bial-ah member tlem berin an vaiin member 73 an awm thung. Kumin (2016-2017) chhungin member 132 (mipa 109 leh hmeichhia 23)-in ropuina ramah min hawnsan a, nupui/pasal nei tuak 625 awmin chung zinga tuak 344 (55.04%)chu Dan puitlinga innei an ni a, tuak 281 (45.96 %)chu Dan te-a innei an ni thung. MTKP-in Missionary Support atan Rs. 165,000/- a thawh bakah Pastor Bial 77 in Missionary an (chawm)support a. Unit 237 in Missionary support an nei bawk.( See MTKP Report & MTKP Statistics 2017)
[caption id="attachment_10068" align="aligncenter" width="150"] Rorel lai[/caption] |
[caption id="attachment_10069" align="aligncenter" width="150"] Zotlang North Biak In[/caption] |
[caption id="attachment_10070" align="aligncenter" width="150"] MTKP Officials[/caption] |
[caption id="attachment_10062" align="aligncenter" width="150"] MTKP Rorel lai[/caption] |
- MTKP Thuzir atân BCM Thurin (Doctrine) hi hman ni rawh se.
- TKP hming, thutiam, dinchhan leh rawngbawlna behchhan hla inphuahsiak buatsaih ni se, lawmman tak tak siam ni rawh se.
- TKP member thi an awmin MTKP Rorêlnaah sûnna hun hman thin ni se.
- MTKP huapin HIV/AIDS vei tanpui ngai zualte tanpuina tûrin unit tin TKP inkhâwm vawi khat thawhlâwm hi MTKP-ah chhûn luh ni se
- Mihringa sumdâwnna (human trafficking) chungchânga MTKP hmalâk mêkna hi chhunzawm ni rawh se.
- Ruihhlo that lohzia inzirtîrna hi MTKP hian kalpui chhunzawm leh ni rawh se.
- TKP inkaihhruaina dan hi Inkhawmpui kumah chauh ennawn emaw, siam that ni tawh se.
- Budget 2017-2018 atan Rs. 950,000/- passed a ni a, Head hrang hranga hmanna tur leh Biak target sem dan tur chu MTKP Execitive in lo enin lo siam tha rawh se.
