Mizoram University-in Bachelor Degree Course result 2024 a tih chhuah-ah Higher and Technical Institute, Mizoram (HATIM) chuan Result tha tak an nei. Result tlangpui hetiang hi a ni:-

Bachelor of Arts (BA):  
Final Semester candidate 56 awmin 50-in hlawhtlinna an chang a, pass percentage hi 89.29% a ni. 

BA Course hnuaiah hian Department hrang hrang panga a awm a. 

#Department of Philosophy-ah Final Semester Candidate 5 awmin an vaiin hlawhtlinna an chang a, pass percentage hi 100% a ni. H. Lalmuanzuali, D/o Rev. H. Lalfakzuala, Serkawn Lunglei chu University pumpui-ah pakhatna a ni.

#Department of English-ah Final Semester Candidate 15 awmin an vaiin hlawhtlinna an chang a, pass percentage hi 100% a ni a, Laldampuii d/o Robert Lalnuntluanga, Electric Veng Lunglei chu palina a ni. 

#Department of Psychology-ah Final Semester Candidate 10 awmin 9-in hlawhtlinna an chang a, pass percentage chu za zela 90.00% a ni. PC Lalremzuali d/o PC Lalhmunliana Serkawn,Lunglei pawh palina niin, Vanlalhmangaihi d/o Dr. Lalrothuama, Chawlhhmun Aizawl chu pasarihna a ni bawk.

#Department of History-ah Final Semester Candidate 12 awmin 11-in hlawhtlinna an chang a, pass percentage chu za zela 91.6% a ni. 

#Department of Education-ah Final Semester Candidate 14 awmin 10-in hlawhtlinna an chang a, pass percentage chu za zela 71.4% a ni.