Baptist Youth Fellowship India (BYFI) buatsaih - National Baptist Youth Conference 2023 chu October 19-22, 2023 chhung khan Centenary Baptist Church, Secunderabad, Telangana ah neih a ni. Thupui atan Philippi 1:21 behchhanin "Living Christ in India today" tih hman a ni.
Inkhawmpuiah chhung hian Speaker panga - Rev. Dr. Vesekhoyi Tetseo, General Secretary, Asia Pacific Baptist Federation, Rev. Dr. Akheto Sema, President, NCBCI, Rev. Dr. Rodinmawia Ralte, Secretary, BTESSC, Rev. Sudhakar Mondithoka, BIOLA University, USA leh Rev. Dr. Jeff Carter, Director, Horizon BWA ten thuchah an sawi. India ram chhung Baptist Convention hrang hrang atangin palai 460 vel an an tel a, North East India aṭangin convention 9 leh Mainland India aṭangin convention 4, an vaiin convention 13 atangin palai an kal khawm a ni.
MṬKP aṭangin Rev. F. Zorinkhuma, Secretary, MTKP Executive member 7 leh ṬKP Member dang 2 palaiin an tel a, Rev. K. Lalbiakenga, outgoing Vice President, BYFI leh Jacob Vanlaltana Khiangte, Vice President, APBY te an tel bawk. Inklhawmpui chhung hian Lawngtlai Area Baptist Choir member 23 ten zaipawl rawngbawlna bakah Mizo hnam lam an entir a. Nl. H. Lalhmangaihsangi, ṬKP Bethel Unit, Aizawl Central Pastor Bial -in zaia rawngbawlna a nei ṭhin bawk.
Tun tum Conference ah hian Kum 2023-2027 chhung atana hruaitu thar thlan a ni a, October 22, 2023 - Pathianni chawhma inkhawm ah heng BYFI hruaitu tharte hi Pathian hnena hlanna leh tawngtaisakna hun hman a ni. Hruaitu thar atana thlan te chu:
President : Mr. Durasal Marak - Garo Baptist Convention (GBC)
Vice president : Rev Lalropeka Chinzah - Lairam Isua Krista Baptist Kohhran (LIKBK)
Secretary : Rev. N Suhuto Chishi - Nagaland Baptist Church Council (NBCC)
Asst Secretary : Pastor Eliya Tirumala - Maharstra Baptist Society (MBC)
Treasurer : Rev. F. Zorinkhuma - Baptist Church of Mizoram (BCM)
Senior Adviser: Rev. Vikuo Rhi, Nagaland Baptist Church Council (NBCC)
