National Tobacco Control Programme leh BCM thawhhona in Consultative Meeting cum Training on Tobacco Control buatsaih a ni.

By Communications Dept.BCM

 

 

Training hi tunkar thawhlehni March 19 chawhnu dar 1 khan BCM Hall, Serkawn ah neih a ni a. Lunglei khaw chhunga Tualchhung Kohhran hrang hrang atangin mi 3 theuh leh Kohhran zirna in hrang hrang HATIM, School of Nursing, Baptist Higher Secondary School zirtirtu te leh Kohhran Office hrang hranga thawktu te mi 200 bawr vel an kalkhawm a ni. 

 

Rev. R. Lalnunzira, AGS-Service in a kaihruai a. 'Vaihlo thatlohzia leh zuk leh hmuam atanga fihlim a pawimawhna te' BCM lam atangin  Rev.R.Lalbiakliana, General secretary leh  National Tobacco Control Programme atangin Mizoram State Nodal Officer Dr. H. Lianthangpuia ten an sawi a.

 

Pu R. Lalremruata, State Consultant, National Tobacco Control Programme hnen atangin 'Vaihlo leh a kaihhnawih hrang hrang chungchanga zirtirna' ngaihthlak a ni a. Hemi hnu hian sawihona hun leh vaihlo leh a kaihhnawih hrang hrang chungchanga zawhna leh chhanna hun hman a ni bawk. Vawiina Consultation meeting cum Training on tobacco control in a tum ber chu vaihlo leh a kaihhnawih hrang hrang atanga fihlim tura inzirtirna Kohhran Huang chhung leh Kohhran zirna in hrang hranga zirtirna pe chhawng tura inzirtirna a ni.

Beirual thu zir tur Pathian hnena hlanna neih a ni.

Beirual thu zir tur Pathian hnena hlanna neih a ni.

July 25, 2024 (Ningani) zing khan BCM Hall, Headquarters Offce, Serkawn-ah kumin 2024-a Beirual Thuzir tur ‘Ringtu Nun’ tih chu Rev. R. Lalbiakliana, General Secretary-in Pathian hnenah hlanin a tlangzarh. …

R&D-in Thli leh ruah avanga chhiat tawka tanpuina a pe

R&D-in Thli leh ruah avanga chhiat tawka tanpuina a pe

July 22-26, 2024 khan Buarpui leh Aizawl ah te tun hnaia thli leh ruah avanga chhiatna hrang hrang tuarte hnenah BCM Relief & Development Department chuan Chhawmdawlna leh tanpuina a sem a. Heng chhawmdawlna te hi R&D Department hotute -  Director Rev L.Vanlalsanga,Co-ordinator Rbt Lalrinawma leh Asst Co-ordinator Nl T. Lalfawnveli leh Pu Lalhriatpuia, Driver ten kengin Pastor Bial hrang hrangah tanpuina hi an pe a ni. …

Mission Inkhawmpui neih chhoh meka ni.

Mission Inkhawmpui neih chhoh meka ni.

Mizoram Baptist Kohran - Mission Department-in Kohhrante Mission rawngbawlnaa hma kan sawn nan leh mission rilru kan put ngheh deuh deuh theihna atan Mission Inkhawmpui buatsaih ni se ti-a ruahmanna an siam angin Lawngtlai, Lunglei eh Aizawl-ah te Pastor Bial 2/3 huapin Mission Inkhawmpui hi neih turin ruahman a ni a. A hmasa ber atan July 19-21 khan Lawngtlai khawpui chhunga Pastor Bial pathum - Lawngtlai North, Lawngtlai South leh Lawngtlai East Pastor bial te infinin BCM Biak In, Chanmari, Lawngtlaiah Mission Inkhawmpui hi tluang takin neih a ni. nkhawmpui thupui-ah Joshua 3:1 thu  ‘Ram lak tur lah chu a la tam mai si a’ tih chu hman a ni.  He Inkhawmpui-ah hian Sepaker-ah Rev. Dr. R. Lalthanmawia, AGS Mission leh Rev. Lalremsiama, Mission Director te hmangin, Resource person-ah  Pu T. Nghaksanga Mission Promoter hman a ni bawk. …