October 20, 2024 Pathianni kha 'North East India Christian Council Tawngtai Ni' (NEICC Day of Prayer) a atan hman a ni a. He ni hi North East India Christian Council hnuaia Kohhran hrang hrang inthlunzawm te chuan kum tinin urhsun takin an hmang thin a ni.
Kum dangah chuan NEICC member Kohhran pawl hrang hranga Pastor te leh thusawi rawngbawl tura ruat ten an mahni kohhran ni lo, Kohhran pawl dangah thusawi rawngbawlna (Pulpit exchange Programme) an nei thin a, kuminah erawh chuan NEICC Headquarters atangin Pulpit Exchange Programme hi hman a ni lo va, Kohhran tinah Headquarters atanga NEICC Report tawi chhiah chhuah tura tih chu chhiar chhuakin, thuchah sawituten hemi ni thupui atana thlan sa ‘Krista Chanchin Tha nena inmawi (Phillipi 1:27) tih hamngin thuchah an sawi a, Tawngtai subject duan sa point 9 hmangin tawngtaihona neih a ni bawk.
NEICC hi North East India a Kohhran Pawl hrang hrang te inlungrualna ti nghet turin 1937 khan Assam Christian Council ti-a din a ni a, 1962 atangin North East India Christian Council tiin thlak a ni. Tun dinhmun ah NEICC hnuai ah hian kohhran pawl hrang hrang 37 intelkhawmin, Associate member 18 an awm bawk. NEICC hian Kohhran inpumkhatna leh thawhhona lamah hma a lak thin mai bak ah, Shillong ah Higher Secondary School leh College (Unio n Christian College) te nei in zirlai sang chuang an awm a. Zirlai leh mamawh te tan Hostel tha tak a kalpui mek bawk.
