Paithar Pastor Bial-in Fakna Inkhawmpui an nei.

By Communications Dept.BCM

 

August 10 & 11 hmang khan Paithar Pastor Bial chuan “Fakna Thiltihtheihna” tih thupui a hmangin Bial huap Fakna inkhawmpui, BCM Biak In, Sihtlangpuiah an nei a. Speaker-ah Bialtu Pastor Rev. R. Lalkhamliana hmangin, Tv. Oscar Zaihmingthana’n Zaia rawngbawlin a tawiawm bawk.  

 

Inrinni Inrinni zan, Pathianni zing leh Pathianni zan-ah te Fakna Inkhawm neiin, Speaker hnen atangin thuchah tha tak tak ngaihthlak thin a ni a, Inkhawm apiangin hun hmasa lam-ah Pathian fak leh chibaibukna Tv. Oscar Zaihmingthanga kaihhruaina-in neih thin a ni a, Tv.Oscara hian zai hruai bakah inkhawm apiangin zaia rawngbawlna a nei thin a, a ni bakah hian Bial chhunga Kohhran hrang hrang Zaipawl ten fakna hla an rem bawk. Pathianni chawhnuah Fellowship neiin, thu leh hlaa inpawlhona te, Tawngtai honate neiin, Fellowship a kal zawng zawng te tawngtaisakna neih a ni bawk. Pathianni zan Inkhawm banah Fana Inkhawmpui hi tiakin, Kohhran te an hlimin hlawk thlak an ti hle.

Council of Churches in Mizoram (CCM) hawn a ni dawn ta.

Council of Churches in Mizoram (CCM) hawn a ni dawn ta.

Mizoram Kohhran te inpumkhatna atana Kohhran hrang hrang aiawh ten ruahmanna an siam angin Council of Churches in Mizoram chu October 26&27, 2024 hmang hian CCM Rorel leh inkhawmpui hmasa ber chu Mission Veng Presbyterian Kohhran Biak In, Aizawl-ah neih a ni dawn ta. Inrini chhun dar 12:30 atangin Rorel Inkhawm neih a ni ang a, . CCM Rorel-ah hian Kohhran pawl hrang hrang atangin awiawh (Palai) tel thei tur mi 552 zet an awm dawn a ni. Inrinni zanah Palai lawmna Inkhawm neih a ni ang a, Kohhran hrang hrang aiawhte hnen atangin report tawi nghaihthlak a ni bawk ang. …

SIM hruaituten BCM Headquarters an tlawh

SIM hruaituten BCM Headquarters an tlawh

Serving in Mission (SIM) Internation hruaitu mi pali te chu Ocober 18 (Zirtawpni) khan Mizoram rawn thlengin, Mizoram Baptist Kohhran hmunpui, Serkawnah an tlawh a,  SIM hruaitu lo kal te hi SIM International Director - Pu. Phil Bauman leh a nupui Pi Ms. Andrea Bauman te, Director of Relationship Development - Ms. Christabel Khiangte Corazza  leh Deputy Director, SIM North East India, Shillong -Rev. Thlohnei Fachhai te an ni. SIM mikhual te hi General Secretary Rev. Dr. R. Lalbiakliana hovin Headquarters hruaituten an lo dawngsawng a ni. …

NEICC Tawngtai Ni hman a ni.

NEICC Tawngtai Ni hman a ni.

October 20, 2024 Pathianni kha 'North East India Christian Council Tawngtai Ni' (NEICC Day of Prayer) a atan hman a ni a. He ni hi North East India Christian Council hnuaia Kohhran hrang hrang inthlunzawm te chuan kum tinin urhsun takin an hmang thin a ni. …