Kan hriat theih chinah April 12-14, 2024 hmang khan heng Pastor Bial hrang hrangah te hian KNP Inkhawmpui an nei.

 

#Serkawn Pastor Bial  chuan ‘Pathian hnaih’ tih thupui hmangin BCM Biak In, Zohnuai-ah Inkhawmpui hi an nei a, Speaker-ah Upa Lalbiakthanga Chawngthu an hmang.

#Hnahthial South Pastor Bial  chuan BCM Biak In, Peniel-ah ‘Isua hmangaih Naupangte’  tih thupuia hmangin KNP Inkhawmpui vawi 31-na an nei a, Speaker atan Pi Ammie Lalnunpuii, KNP Trainer an hmang.

 

 

#Hnahthial Bazar Pastor Bial  chuan  “Naupangte leh Thianghlimna’ tih thupui hmangin BCM Biak In, Bazar-ah KNP Inkhawmpui vawi 5-na an nei a, Speaker atan Pu TBC Zaithanpuia an hmang.

 

#Champhai Pastor Bial chuan BCM Biak In, Kahrawt-ah inkhawmpui hi neiin, Speaker ah C. Zorammawia, KNP Trainer an hmang a, thupui a “Thuawihna” tih an hmang.

 

#Rahsiveng Pastor Bial in BCM Biak In Venghlun-ah Inkhawmpui hi an nei a, Speaker ah Rbt. T. Lalrinmuana, KNP Trainer an hmang.

 

#Zotlang Pastor Bial chuan BCM Biak In, Zotlang North-ah Inkhawmpui an nei a, Speaker-ah Rev. R. Lalnunzira, AGS-Service an hmang.

 

#Lungrang Pastor Bial chuan BCM Biak In, Siloam-ah Inkhawmpui an nei a, Speaker atan Nl. Lalrammawii Thangluah, BCM Headquarters Mission Department thawktu an hmang a, Thupui-ah “Naupangte leh Tunlai khawvel” tih an hmang.

 

#Mualṭhuam North Pastor Bial chuan Tv.R.Vanlalhmingmuana, Principal, Savidge English School, Mualthuam North Speaker-ah hmangin BCM Biak In Mualthuam North-ah Inkhawmpui hi an nei a, Thupui-ah “Insua’n Naupangte a hmangaih’ tih an hmang. 

 

#Chawngte East Pastor Bial chuan BCM Biak In, Mualbu L-ah Inkhawmpui hi an nei a. Speaker ah Tv. Lalramhluna Pachuau, KNP Trainer an hmang a, Bial chhunga KNP Unit hrang hrang atangin KNP member 250 an kal a, mikhual riak lut 50 chuang an awm.

 

#Aizawl East Pastor Bial chuan ‘Rinawmna’ tih thupuia hmangin BCM Biak In, Electric veng-ah Inkhawmpui hi an nei a. Speaker-ah Upa Lalhriatpuia Chawngthu, Horeb Ministry hmangin a nupui Pi Bethsy Lalrinsangi’n zaia rawngbawlin a tawiawm bawk.

 

#Chanmari  Pastor Bial, Lunglei chuan BCM Biak In, Zion, Ramthar-ah Inkhawmpui vawi 40-na an nei a. Speaker-ah Nl. PC Lalruatpuii, Counsellor, BCM Chanmari Vengthlang hmangin thupuiah Thessalonica 4:15 thu ‘Lalpa lo kal lehna’ tih an hmang.

 

#New Serchhip  Pastor Bial in BCM Biak In, Ebenezer-ah Inkhawmpui vawi 3-na an nei a. Speaker-ah Rev. RJ Lalnunpuia, bialtu pastor Farkawn pastor bial hmangin thupuiah ‘Naupangte leh Rawngbawlna’ tih an hmang.