Bazar Pastor Bial : April 5-6, 2025  (Inrinni leh Pathianni) khan Bazar Pastor Bial te chuan KNP Inkhawmpui Kikawn Biak In-ah an nei a. Speaker atan Nl. PC. Lalruatpuii KNP Trainer’s chu hmang.

Inrinni Chawhmaah "Nu leh Pa Chawimawi" tih thupui hmangin sermon ngaihthlak a ni a. Nu leh Pa thu awih chu finna, malsawmna leh Dam reina anih thu te hmangin sermon ngaihthlak a ni.

Pathian ni chawhmaah Ruihhlo tih thupuia  hmangin, Ruihhlo in nun a tihchhiat dan te, Naupan lai atanga inven fimkhur a ngaih zia te sawiin, Ruihhlo ti lo tura intiam naupang eng nge mawzat an awm bawk ani.

Khawmpuiah hian Naupang te’n chanvo hrang hrang Solo, Group zai te bakah Common song Kristain Hla Bu 1-na “ Thianghlim, Thianghlim, Thianghlim Solfa  leh Kristian Hla Bu 500-na “ Mi thianghlim kalna kawng hlui ka zawhin” lengkhawm zai hmamgin  leh Thufingte 15 : 1-10, hmangin Thuvawn sawi rualna an ne. Naupang te’n Nuam an ti hle.
Bazar Pastor Bialah hian : KNP Bazar Unit, KNP Kikawn Unit, KNP Venglai Unit leh KNP Edenthar Unit te an awmin, KNP member zawng zawng hi an vaiin 784 an awm  mek a ni.

Rahsiveng Pastor Bial : April 5-6, 2025  (Inrinni leh Pathianni) khan Rahsiveng Pastor Bial te chuan KNP Inkhawmpui Rahsiveng Biak In-ah an nei. Speaker atan Pu HP. Lalremtlunga KNP Trainer’s chu hmangin, “Pathian Khawngaihna  Sam 103 : 13” tih thupuia hmangin sermon ngaihthlak a ni.

Khawmpuiah hian Naupang te’n chanvo hrang hrang Solo, Group zai te bakah Common song Kristain Hla Bu 161-na “ Ka nunah danglamna mak tak mai a thleng ta” tih leh Thufingte 6 : 16-23 hmangin Thuvawn sawi rualna an nei a. Naupang te’n Nuam an ti an kham lo  hle.

Rahsiveng Pastor Bialah hian : KNP Rahsing Unit, KNP Moria Unit, KNP Venghlun Unit leh KNP Bethel  Unit te an awmin, KNP member  zawng zawng hi an vaiin 559 an awm mek in, mipa 276 leh hmeichhia 283 te an ni. Tin, hruaitu hi bial chhungah 73 an awm bawk.

Zotlang Pastor Bial : April 5-6, 2025  (Inrinni leh Pathianni) khan Zotlang Pastor Bial  Lunglei te chuan KNP Inkhawmpui Zotlang Biak In-ah an nei. Speaker atan Rev. Joseph Vanlalruata Bialtu Pastor, Zotlang Pastor bial chu hman niin, Speaker hian “Naupangte thian Isua (Matthaia 19:14)” tih thupuia hmangin Pathian thuchah a  sawi.

Khawmpuiah hian Naupang te’n chanvo hrang hrang Solo, Group zai, Recitation, worsip dance, Musical Drama, skit te bakah Common song Kristain Hla Bu 361-na “ Kan kohhran lungphum chu” tih leh Thufingte 24 : 1-12 hmangin Thuvawn sawi rualna an nei. Naupang te’n Nuam an tiin an kham lo hle.

Zotlang  Pastor Bialah hian : KNP Zotlang Unit, KNP Zotlang North Unit, KNP Pukpui Unit leh KNP Pukpui West  Unit te an awmin, KNP member zawng zawng hi an vaiin 529 an awm mek a ni.

Hnahthial Bazar Pastor Bial : April 4-6, 2025  (Zirtawp zan atanga Pathianni zan) thleng khan Hnahthial Bazar Pastor Bial te chuan Kanaan, Hnahthial Biak In-ah KNP Inkhawmpui an nei. Speaker atan Pi Ammie Lalnunpuii KNP Leader’s Trainer chu hman a ni. Speaker hian “Chhandamna)” tih thupuia hmangin Pathian thuchah a  sawi bakah ruihhlo that loh zia inzirtirna leh KNP hruaitu Training a neih pui bawk. Naupangte leh hruaitu te'n  nuam an tiin hlawkthlak an ti hle.

Inkhawmpuiah hian Naupang te’n chanvo hrang hrang Solo, Group zai, Recitation, worsip dance, Musical Drama leh Quiz te bakah Common song Kristain Hla Bu 532-na “ Khawvel sum tinreng leh lunghlu” tih leh Sam 34:8-22  hmangin Thuvawn sawi rualna an nei bawk.

Hnahthial Pastor Bialah hian : KNP Bazar Unit, KNP Venglai Unit, KNP Kanaan Unit KNP te an awm mek a ni.

Hnahthial North Pastor Bial

April 5 & 6, 2025, Inrinni leh Pathianni  khan Hnahthial North Pastor Bial KNP Inkhawmpui vawi 32 na chu BCM Biak In, Elctric, Hnahthial ah neih a ni a. Speaker-ah C.Lalhmachhuana, Asst. Prof. AICS hman a ni.

Inrinni nilengin Bial chhung unit hrang hrang KNP te’n special item hrang hrang solo, recitation, group zai leh zaipawl te entirin hun an hmang a. Chawhma hun leh chawhnu hun ah then in, chawhma lamah hian ruihhlo ti lo tura inzirtirna hun hman a ni.

Inrinni zan, Pathianni zing leh zanah te Pathian Biak inkhawm neiin, speaker hnen atangin  'thuawina' tih thupuia hmangin Pathianthu ngaihthlak a ni a,  Esther Hnamte in zaia rawngbawlna a nei bawk. 

Hnahthial North Pastor Bialah hian KNP unit 3 leh unit la nei chiah lo Kohhran pakhat an awm a. Inkhawmpui kal an tha hle a, KNP member 400 velin he khawmpui hi an chhim a ni.

Leite Pastor Bial :

April 5-6, 2025  (Inrinni: Chhun tanga Pathianni Zan)  thleng khan Leite Pastor Bial KNP Inkhawmpui Leite Biak In-ah neih a ni a. Speaker atan Rbt. Jack Lalfakawma Zadeng KNP Trainer’s chu hman a ni.

Inrinni chhunah unit inelna hrang hrang neih ani a, Inrinni Zan atanga Pathianni Zan thlengin sermon inkhawm neih ani. Thupuiah hian "Naupangte leh rawngbawlna" tih chu hman ani. Pathian ni chawhnuah inpawlhona neih ani a, item hrang hrang naupang te’n an tih bakah Ruihhlo that loh zia inzirtirna neih ani.

Inkhawmpuiah hian Naupangte’n chanvo hrang hrang Solo, Group zai,  action recitation, recitation, skit, worship dance, te bakah Lengkhawm, Solfa hla leh Baptist Thurin puanchhuah Kaihtawi hmanga inelna neih ani. Naupang te’n Nuam an ti hle.

Leite Pastor Bialah hian : KNP Leite Unit, KNP Tuipui D Unit, KNP Rotlang Unit leh KNP MaudarhUnit te an awmin, KNP member zawng zawng hi an vaiin 531 an awm mek a ni.