4th - 6th April, 2025 khan Hnahthial 'S' Pastor Bial KNP Inkhawmpui vawi 32-na chu Biak In Chanmari-ah neih a ni. 'Naupangte leh tunlai khawvel' tih thupuia hmangin Bialtu Pastor, Hnahthial South Pastor Bial Rev. C. Lalhmangaihzama Speaker-a hmangin inkhawmpui hlimawm leh nuam tak hman a ni.
.jpeg)
Intihsiakna hla atan 'Aw mitin in kut beng ula' tih leh thuvawn Thufingte 16:1-15 chu hman a ni bawk. Inkhawmpui intihsiakna piahlamah hian Unit tin atangin Group zai, Solo, recitation te neih a ni.
Inkhawmpui chhunga thawhlawm hi Baptist English School, Hnahthial tih changtlunzel nanleh District Child Protection Home te tanpui nana hman tum a ni. Inkhawmpui chhunga thawhlawm tlingkhawm zawng zawng hi ₹35,100 a ni. Hnahthial 'S' Pastor Bial ah hian Unit Pathum Chanmari, Lungleng, Model leh Peniel te an awma, Bial chhûng KNP Member zawng zawng hi 633 niin, 1st - KNP Model Unit, 2nd - KNP Peniel Unit, 3rd - KNP Lungleng Unit 4th - KNP Chanmari Unit te an ni.
BCM Chawngte Pastor Bial
April 4-6, 2025 khan Chawngte Pastor Bial KNP Inkhawmpui Hmunlai Biak In ah neih a ni. Pu Rochansanga Vandiau, KNP Leaders' Trainer chu Speaker a hmangin Bial KNP inkhawmpui hlim takin hun an hmang. Zirtawpni zan atangin Pathianni zan thleng Speaker hian naupang puala thuchah a sawi a.
Zan 1 na - Pathian leh Mihring
Zan 2 na - Chhandamna/Tlanna
Pathianni Zingah - Naupangte Pathian thinglungah
Pathianni zan - Krista lokal lehna/Lalpa Ni in hun tawp a khar a ni.
He khawmpuiah hian Thuvawnah Baptist Kohhran Thurin puanchhuah kaihtawi chu naupanghovi’n sawi thinin, Inrinni chhunah Naupangte’n an theihna leh thiamnate hmangin Pathian fakna leh chawimawina hun hlimawm tak an hmang a.
Pathianni Chawhnuah Ruihhlo Do pualin hun hman a ni. He hunah hian Speaker Pu Rochansanga Vandiau chu Resource Person-ah hman a ni a. Naupangte’n nuam an tiin hlawk thlak an ti hle. BCM Chawngte Bial Inkhawmpui hi Pathianni zan inkhawm banah a tiak a ni.
