August 25-27 chhung khan Pastor Bial hrang hrang panga ah hetiang hian KNP Inkhawmpui an nei....
#Republic Vengthlang Pastor Bial KNP chuan BCM Biak In, ITI Veng-ah inkhawmpui hi neiin, Thupui-ah “Kristian Naupang leh thuawih” (Ephesi 6:1) tih thu hman a ni a, Speaker-ah Rev. JC Vanlalluaia Bialtu Pastor leh Tv. Jonathan Lianhna te hman an ni. Inrinni leh Pathianni nilengin hun an hmang a, Speaker pahnih ten thuchah in sawi chhawkin, KNP Unit hrang hrang atangin Group zai, Solo leh Zaipawl te ngaihtlak niin, Action Recitation leh Worship Dance an entir bawk.
#Ramhlun Pastor Bial pawh in "Naupangte leh Ringtu Nun" tih thupui hmangin BCM Biak In Ramhlun South-ah Inkhawmpui vawi 5-na an nei a, Speaker atan Pu H. Muansangpuia, KNP Trainer an mang. Irinni leh Pathianni chhun ah te inkhawmpui hi hman a ni a, inkhawmpui chhung hian Speaker hnen atanga thuchah bak ah KNP unit hrang hrang ten item hrang hrang an entir thin a, Pathianni tlaiah inkhawmpui hi an tiak a ni.
#Aizawl Central Pastor Bial chuan “Pathian Hmangaihna” tih thupui-a hmangin BCM Biak In, Central Church-ah Inkhawmpui an nei ve bawk a, Speaker atan Pi Ammie Lalnunpuii, KNP Trainer hman a ni a, Zirtawpni zan leh Inrinni chhunah item hrang hrang hmangin intihsiakna neih a ni a, inkhawm apiangin Speaker hnen atangin thuchah leh KNP Unit hrang hrang te hnen atangin Zaipawl leh Item hrang hrang thlirin ngaihthlak thin a ni.
#Luangmual Pastor Bial, Aizawl chuan P.P. Jacob Lalnunhlua Speaker-a hmangin August Ni 27 (Pathianni) hmang khan BCM Biak In, Immanuel, Lungmual-ah KNP Inkhawmpui an nei a. Pathianni zing Inkhawmah Speaker hnen atangin ‘Hlauh tur dik‘ tih thupui hmangin thuchah ngaithlak a ni a. Chawhnu lamah Fellowship neih a ni bawk. Inkhawm leh Fellowship-ah hian KNP Unit hrang hrang atangin Zaipawl, Solo, Thuvawn, leh Fak lam te an nei thin bawk a ni.
