Tunkar, Thawhtanni, October 17, 2022 atanga tanin, October 21, ZIrtawpni thleng awh tur Probationary Pastor, Kum thumna hmang mek, mi 5 te chu BCM Headquarters Office, Serkawn-ah Ministerial Training neihpui an ni a.Minsterial Training hi Department hrang hranga hotuten neihpuiin zirtirna an pe a ni.
Rev. ZD Rodingliana-a Director-in a Department chan - Christian Education Department leh Fellowship Department kalphung leh hmalak dan te kawhhmuhin a zirtir a, Communications Department Director Rev. Dr. Lalzarliana’n BCM rawngbawlna chungchang (Ministry of BCM) tih thupui hmangin zirtirna a pe a, Pastoral Department lama hriat tur leh thilpawimawh te Rev. Vanlalmuanakima’n a kawhhmuh a, BCM Doctrine leh Principle chungchang Rev. Dr. F. Lalsangliana'n zirtirna pe-in BCM Headquarters Office inrelbawlna chungchang Pu Lalruatkima, AO-in sawiin Upa K. Lalrohlua, Finance Director-in BCM Finance lam hruilhhriatna leh kalphung te zirtirna a nei a, Rev. R. Lalnunzira, AGS-Service-in Pastorte nunphung leh awm dan tur kawhhmuhin Rev. R. Lalbiakliana. General Secretary-in fuihna thuchah a sawi ang.
