January 25, 2024 (Ningani) khan B. Sanghnuna Conference Hall, Christian Hospital, Serkawn-ah Pastoral Department buatsaih 'Pastoral Caunseling & Chaplaincy Training' kharna inkhawm neih a ni a, Inkhawm hi Rev. Vanlalmuankima, Director, Pastoral Deparmtent-in kaihruaiin, Rev. Zonunvula Ralte, Chaplain, Christian Hospital, Serkawn-in Pathian hnena inkawltirna hunserh a hmang a, Rev. R. Lalbiakliana, General Secretary-in Training chhuak te Certificate hlanin thu a sawi a, Rev. Dr. H. Lalthlamuana, Executive Secretary, Lawngtlai leh Training chhuak te aiawh atangin thusawi ngaihthlak a ni bawk. Upa Dr. Lalramzauva’n lawmthu sawina a neih hnu-ah Trainer te zing ami Rev. PC Zosangliana, Assistant Professor, AICS in Training chuakte tawngtaisakna leh malsawm tawngtaina hun hmang in inkhawm hi a khar ta a ni.
October 17, 2023 atang khan Pastoral Committee buatsaih-in a vawikhatna 'Pastoral Counselling & Chaplaincy Training' hi buatsaih a ni a. He Training hi thla thum chhung awh tura ruahman a nih angin training thla khat chhunga karkhat zel hi Christian Hospital Serkawn ah dawhkana zirtirna (lecture) ngaithla in hun an hmang a, kar thum dang hi pastor biala an awmna-ah tih tur an pek te tiin hun an hmang thung a ni.
Tun tumah hian Pastoral Department-in Training tura a thlan mi paruk - Rev. Zonunvula Ralte, Rev. Lalzuitluanga, Rev. Fanai Lalnunmuana, Rev. Lalhruaitluanga Chawngthu, Rev. Lalramchuana, Rev. Eddie C. Laldinsanga leh Rbt K. Lalkawngdika ten Training hi zawmin, tha takin an zo thei vek a ni. Rev. Dr. H. Lalthlamuana, Executive Secretary, Lawngtlai leh Rev. PC Zosangliana, Asst. Professor, AICS ten Training kaihruaiin zirtirna an pe thin a ni.
